Прэзідэнт Польшчы падпісаў закон пра замежнікаў
- 3.11.2020, 21:14
- 37,651
Закон прыводзіць польскае заканадаўства ў адпаведнасць з палажэннямі ЕЗ у галіне візавай палітыкі.
Прэзідэнт Польшчы Анджэй Дуда падпісаў закон пра замежнікаў, які прыводзіць польскае заканадаўства ў адпаведнасць з палажэннямі ЕЗ у галіне візавай палітыкі, паведамляе «Радио Польша».
Падпісаны закон таксама дазваляе рэалізаваць план дзеянняў, звязаны з далучэннем Польшчы да праграмы бязвізавага рэжыму з ЗША.
Згодна з дакументам, службовыя асобы, якія займаюцца іміграцыйнымі пытаннямі, будуць правярацца на наяўнасць судзімасці за наўмысныя і падатковыя злачынствы.
У сваю чаргу, замежнікі, якія падаюць заяву на атрыманне польскай візы або ўезд на тэрыторыю Польшчы, павінны будуць падаць медыцынскую страхоўку на тэрмін свайго знаходжання.
Заяву пра выдачу візаў для непаўналетніх і недзеяздольных асоб зможа падаць іншы ўпаўнаважаны орган, уключаючы законнага апекуна або куратара.