Навукоўцы выйшлі на сувязь з Voyager-2 упершыню за восем месяцаў
12- 3.11.2020, 21:26
- 35,970
Зонд запусцілі ў космас у 1977 годзе.
Voyager-2 цяпер зноў на сувязі з Зямлёй. Камунікацыя з ім перапынілася ў сакавіку гэтага года, калі NASA пачала абнаўляць абсталяванне ў аўстралійскім комплексе Deep Space Station 43. Гэта адзіны цэнтр, здольны падтрымліваць сувязь з Voyager-2 на адлегласці 18,6 мільярдаў кіламетраў.
Некаторыя перадатчыкі Deep Space Station 43 не змяняліся на працягу 47 гадоў, і іх патрабавалася абнавіць. Тэставы запуск з новым абсталяваннем прайшоў 29 кастрычніка - тады зонду адправілі некалькі каманд. На атрыманне адказу спатрэбілася 34 гадзіны і 48 хвілін.
За мінулыя восем месяцаў з Voyager-2, мяркуючы па ўсім, нічога не здарылася. Зонд запусцілі ў космас у 1977 годзе. Яго місія - даследаванне далёкіх планет Сонечнай сістэмы.
For the past 8-months, Deep Space Station 43 has been undergoing upgrades. @NASAVoyager-2 has been waiting for us to be able to send it commands once again.
— CanberraDSN (@CanberraDSN) November 2, 2020
On Friday 30th October, we sent those commands & after a 34hour 48 min round trip time, a "hello" came back! #DSS43 @CSIRO pic.twitter.com/qyMEc9Jkxc