Нафта працягвае таннець

Кошты нафты падаюць праз каронавірус.

Сусветныя кошты нафты 10 лютага, паказваюць адмоўную дынаміку ў сувязі з працягам распаўсюджвання каронавіруса ў Кітаі.

На 18.45 паводле менскага часу ф'ючэрсы на красавік нафтавай маркі Brent страцілі 2,26%, дасягнуўшы адзнакі $53,70 за барэль.

Удзельнікі рынка занепакоеныя перспектывай зніжэння попыту на нафту праз негатыўны ўплыў каронавіруснай інфекцыі на прамысловасць Кітая, найбуйнейшага імпарцёра нафты ў свеце. Нягледзячы на тое, што 10 лютага шматлікія кітайскія прадпрыемствы аднавілі працу пасля доўгіх выходных, частка арганізацый усё яшчэ закрытая.