Грузінская апазіцыя папярэдзіла аб пратэстах у выпадку візіту Лаўрова ў Тбілісі
3- 13.02.2020, 18:54
- 14,626
Апазіцыянеры заявілі, што ў выніку гэтай акцыі ўраду Грузіі давядзецца ляцець у Маскву на самалёце Лаўрова.
Лідар апазіцыйнай фракцыі партыі «Адзіны нацыянальны рух» у парламенце Грузіі Раман Гацырыдзэ заявіў аб недапушчальнасці прыезду ў Тбілісі кіраўніка МЗС Расеі Сяргея Лаўрова. Пра гэта паведамляе «Інтэрфакс».
У выпадку візіту расейскага міністра грузінская апазіцыя правядзе маштабную акцыю пратэсту, папярэдзіў Гацырыдзэ. Ён паабяцаў, што ў выніку гэтай акцыі ўраду Грузіі давядзецца ляцець у Маскву на самалёце Лаўрова.
Таксама палітык заявіў, што апазіцыя будзе ўважаць візіт за «мэтанакіраваную правакацыю Масквы», калі ў складзе расейскай дэлегацыі будуць асобы, якія парушылі закон Грузіі аб акупацыі.