Лёс пакалення пуцінскіх войнаў

Што далей?

Уладзімір Пуцін знаходзіцца ва ўладзе 20 гадоў. За гэтыя гады выраслі пакаленні людзей, якія не бачылі ва ўладзе іншага кіраўніка дзяржавы, піша Telegram-канал «СерпомПо».

Што даў ім Уладзімір Пуцін? Якое сёння? Якую будучыня ён ім падрыхтаваў, маючы намер дадаць гібрыдныя папраўкі ў Канстытуцыю?

Вось лёс аднаго з выхаваных часам Пуціна маладых патрыётаў.

Учора ў Арэнбуржскай вобласці хавалі Глеба Маставога - расейскага афіцэра, забітага ў Лібіі.

Журналісты BBC напісалі, што ён пайшоў у школу ў 2000-м - у год прыходу Пуціна да ўлады:

«У дзясятым класе стаў пераможцам абласнога конкурсу даследчых работ, праз год стаў лаўрэатам усерасейскага вайсковага патрыятычнага конкурсу «Бацькаўшчына». Грашовую прэмію на 30 тысяч рублёў ад прэзідэнта Уладзіміра Пуціна школьніку ўручаў ранейшы губернатар Юрый Берг».

Далей – вайсковы ўніверсітэт. Жаніцьба. Лібія. Смерць. Пахаванне на радзіме.

Дзеля чаго загінуў афіцэр Глеб Маставы ў Паўночнай Афрыцы? Навошта ён быў накіраваны Пуціным удзельнічаць у чужой грамадзянскай вайне? На іншым кантыненце, удалечыні ад Расеі. Якую Радзіму ён там абараняў?

У імя чаго было прынесенае ў ахвяру гэтае жыццё?

Улічваючы тыя акалічнасці, што Пуцін яшчэ 11 студзеня 2020 года адмаўляў удзел расейскага войска ў лібійскай вайне.

Таемная, далёкая вайна. Бессэнсоўная. Непатрэбная нашай краіне. Брудная, як і ўсе войны.

Што далей?

Узгадаванаму за Пуціным пакаленню падрыхтавана нешта больш маштабнае? Следам за «патрыятычным кіно» і ухваленнем вайны (пад выглядам перамогі ў Другой сусветнай) улады пхаюць моладзь у іншыя войны?

Такі лёс? Загінуць ні за што?