27 траўня 2020, Серада, 9:25
Сім сім, Хартыя 97!
Рубрыкі

Беларускі футбаліст апярэджвае Мэсі і Салаха ў гонцы за «Залатой буцай»

2
Беларускі футбаліст апярэджвае Мэсі і Салаха ў гонцы за «Залатой буцай»
ІЛЛЯ ШКУРЫН

«Залатая буца» - адна з самых прэстыжных футбольных узнагарод у еўрапейскім футболе.

За ёй штогод выстройваецца чарга з супер бамбардзіраў топавых чэмпіянатаў. Раней для таго, каб узяць жаданую ўзнагароду, футбалістам хапала і 30 галоў за сезон, але два ўсім вядомыя іншапланецяніны трохі пасунулі гэтую планку і вывелі новыя стандарты атрымання жаданага прыза, піша «Трибуна».

Гонка на гэты момант далёкая ад сваёй развязкі, нягледзячы на тое, што форвард «Лацыё» Чыра Імабіле (стыль менавіта гэтага форварда, з яго ж слоў, спрабуе капіяваць Ілля Шкурын) у апошні час дэманструе выдатную выніковасць, паступова адрываючыся ад апанентаў, што здаганяюць яго.

Асабліва прыемна бачыць у кампаніі знакамітых форвардаў беларускага нападніка Іллю Шкурына. А ўдвая прыемней назіраць як ззаду яго выстраіліся такія футбалісты як Ліянэль Мэсі і Махамед Салах. На гэты момант нападнік ЦСКА дае гэтым зоркам сусветнага футбола прыкурыць.

Як жа налічваюцца балы ў бамбардзірскай гонцы?

Рэйтынг «Залатая буца» абапіраецца на колькасць галоў у нацыянальных першынствах, памножаны на каэфіцыент канкрэтнай лігі. Той, у сваю чаргу, залежыць ад месца лігі ў рэйтынгу УЕФА. Пяць наймацнейшых чэмпіянатаў маюць каэфіцыент 2, наступныя чэмпіянаты - каэфіцыент 1,5, лігі слабейшыя - каэфіцыент 1.