Экспэрты назвалі прадукты, якія карысна есці перад сном

Адзін з прадуктаў - фісташкі.

Экспэрты наважылі распавесці пра прадукты, якія будзе карысна з'есці на ноч, піша сайт cursorinfo.co.il.

Міндаль. Праз утрыманне тлушчаў, многія дзяўчаты адмаўляюцца ад такога перакусу, каб зберагчы фігуру. Аднак, даследаванні паказалі, што ўжыванне міндаля ніяк не ўплывае на страту або набор вагі. Перад сном такі арэх будзе карысны праз магній, які змяшчаецца ўнутры, і які прынята ўважаць «таблеткай для сну».

Фісташкі. Гэтыя арэхі славяцца неверагоднай колькасцю карысных рэчываў. Фісташкі з'яўляюцца крыніцай клятчаткі, якая аптымізуе стрававальны працэс, а таксама ўтрымліваюць у сабе масу іншых карысных кампанентаў, якія прынясуць прыемны бонус для арганізма.

Гарбузікі. Як і ў міндалі, гарбузікі ўтрымліваюць высокі ўзровень магнію, які дапамагае расслабіцца і падрыхтаваць цела да сну. Паводле даследаванняў, у адной порцыі такога прадукту можна знайсці палову сутачнай нормы магнію.

Цёплае малако з мёдам. Дзякуючы амінакіслотам, цёплае малако дапамагае выпрацоўваць гармон сератанін, які дапамагае ў барацьбе са стрэсам і трывожнымі думкамі. Адна лыжачка мёду можа дадаць калорый напою, аднак яна можа ўзмацніць дзеянне сератаніну, што паспрыяе мяккаму сну.