У ЗША правялі першыя выпрабаванні вакцыны ад каронавіруса

У выпрабаваннях удзельнічаюць 45 добраахвотнікаў.

У ЗША пачаліся клінічныя выпрабаванні вакцыны ад каронавіруса, паведамляе meduza.io са спасылкай на Associated Press.

Даследаванні праводзяцца ў Інстытуце даследавання здароўя штата Вашынгтон у Сіэтле. У іх удзельнічаюць 45 добраахвотнікаў, якім будуць уведзены па дзве дозы вакцыны - цяпер і праз месяц.

Вакцына была распрацаваная кампаніяй Moderna пры ўдзеле Нацыянальнага інстытута здароўя.

Як адзначае AP, нават калі эксперымент будзе паспяховым, вакцына паступіць на рынак не раней, чым праз год.