«Баста!»: З Лельчыцкага райвыканкама забралі чатырох чалавек

Яны цяпер у Гомельскай інфекцыйнай лякарні.

Некалькі падпісчыкаў Telegram-канала "Баста!" паведамляюць падрабязнасці шпіталізацыі жыхара Лельчыцаў, пра якую стала вядома сёння раніцай.

"Імя пацыента нідзе не згадваецца, але сярод ягоных кантактаў – кіраўніцтва сельскагаспадарчага аддзела Лельчыцкага райвыканкама, – піша чытач. – Яны цяпер у Гомельскай інфекцыйнай лякарні і праходзяць тэст на каранавірус".

"З управы сельскай гаспадаркі Лельчыцкага райвыканкама забралі чатырох чалавек. Падазрэнне на каранавірус", – паведамляе яшчэ адзін падпісант з Лельчыцаў.