ЕЗ скасаваў мытныя падаткі і ПДВ на імпарт медабсталявання
2- 3.04.2020, 18:12
- 7,606
Гэта дапаможа спрасціць атрыманне медыцынскага абсталявання, у якім маюць патрэбу лекары, медсёстры і пацыенты.
Еўрапейская камісія адобрыла просьбу дзяржаў-чальцоў і Вялікай Брытаніі часова адмовіцца ад мытных падаткаў і ПДВ на імпарт медыцынскага абсталявання і сродкаў абароны з трэціх краін з мэтай дапамогі ў барацьбе з каранавірусам. Як паведамляе «Еўрапейская праўда», пра гэта гаворыцца ў заяве на сайце ЕК.
Гэта пастанова дапаможа фінансава спрасціць атрыманне медыцынскага абсталявання, у якім маюць патрэбу лекары, медсёстры і пацыенты.
Пастанова распаўсюджваецца на маскі і ахоўныя сродкі, а таксама наборы для тэставання, апараты штучнай вентыляцыі лёгкіх і іншае медыцынскае абсталяванне.
Пастанова будзе выкарыстоўвацца цягам 6 месяцаў з магчымасцю далейшага падаўжэння.
20 сакавіка Камісія прапанавала ўсім дзяржавам-чальцам, а таксама Вялікай Брытаніі падаць прашэнне аб адмове ад выплаты мытных аплат і ПДВ на імпарт ахоўнага і іншага медыцынскага абсталявання з трэціх краін.
Усе дзяржавы-чальцы і ВялікаяБрытанія зрабілі гэта. Сённяшняя пастанова набывае моц прамінулай датай з 30 студзеня.