Былы лекар «Спартака»: Уладам Беларусі давядзецца на каленях прасіць аб дапамозе
10- 30.04.2020, 18:03
- 60,897
Да вірусу так нельга ставіцца.
Былы лекар «Спартака» Юрый Васількоў падзяліўся меркаваннем аб метадах барацьбы з пандэміяй каранавіруса ў Беларусі, паведамляе «Трибуна».
- Ваш калега Міхаіл Вартапетаў заявіў, што рэжым самаізаляцыі ў Расеі патрэбна змякчыць. Згодныя?
- Адважная прапанова. Гэта ўсё тая ж гісторыя пра вялікую і маленькую дзяржавы. Нашы варункі пакуль не дазваляюць змякчаць правілы самаізаляцыі. Вірус паўзе. У якасці негатыўнага прыкладу - Беларусь. Там няма ніякага карантыну - і ўжо 13 тысяч (паводле афіцыйных звестак ужо больш за 14 тысяч - заўв.) захварэлых, хаця краіна маленькая. І іх колькасць будзе павялічвацца з кожным днём. Не ведаю, чым там усё скончыцца. Думаю, калісьці яны ўцямяць і нават спыняць футбольны чэмпіянат. Але, хутчэй за ўсё, ім давядзецца на каленях прасіць аб дапамозе. На жаль, гэта толькі пытанне часу. Так ставіцца да віруса я б не стаў ніколі, - сказаў Васількоў.
Нагадаем, футбольны чэмпіянат у Беларусі прадаўжаецца ў вышэйшай, першай і другой лігах. Неўзабаве стартуе жаночы чэмпіянат.