«Лякарні сотнямі купляюць мяшкі для трупаў»

Журналісты ў Беларусі ўзнялі трывогу.

Рэдактар беларускай службы міжнароднай выведвальнай супольнасці Дзяніс Івашын падаў эксклюзіўную інфармацыю пра распаўсюджванне COVID-19 у Беларусі, што моцна кантрастуе з афіцыйнымі заявамі Міністэрства аховы здароўя Беларусі аб стабільнай смяротнасці ад каранавіруса і кантролі над эпідэміялагічнай сітуацыі, піша informnapalm.org.

Дзяніс Івашын распавёў «Белсату» пра набыццё дзяржаўнымі ўстановамі аховы здароўя Беларусі - лякарнямі, шпіталямі і нават паліклінікамі - паталагаанатамічных мяшкоў у вялікіх колькасцях, што значна вышэй, чым у папярэднія месяцы да распаўсюджвання каранавіруса.

Упершыню з пачатку эпідэміі COVID-19 у Беларусі была абвешчаная інфармацыя аб буйнамаштабных закупках мяшкоў для перавозкі трупаў структурнымі падраздзяленнямі Міністэрства аховы здароўя Беларусі. Схаваць гэтую інфармацыю немагчыма, бо яна афіцыйна размешчаная на электроннай гандлёвай пляцоўцы на партале РУП «Нацыянальны цэнтр маркетынгу і коштаў». Кожнае дзяржаўнае прадпрыемства размяшчае тэндары на гэтай электроннай платформе ў адпаведнасці з пэўнай працэдурай арганізацыі і правядзення працэдур дзяржаўных закупак за кошт бюджэту, што дазваляе выкарыстоўваць электронны аўкцыён і рабіць запыты цэнавых прапаноў.

Перш за ўсё, гэта патрэбна для эфектыўнага расходавання бюджэтных сродкаў, празрыстасці дзяржаўных закупак, для стымулявання развіцця канкурэнцыі, а таксама для барацьбы з карупцыяй.

Размяшчэнне тэндараў у інфармацыйна-аналітычных сістэмах рэгламентуецца Законам Рэспублікі Беларусь ад 13.07.2012 №419-3 «Аб дзяржаўных закупках тавараў (работ, паслуг)», указам Лукашэнкі ад 31.12.2013 №590 «Аб некаторых пытаннях дзяржаўных закупак тавараў (работ, паслуг )», пастановай Савета Міністраў Рэспублікі Беларусь ад 22.0.2012№778 Аб некаторых мерах рэалізацыі Закона Рэспублікі Беларусь «Аб дзяржаўных закупках тавараў» і шэрагу іншых заканадаўчых актаў.

У адпаведнасці з заканадаўствам Рэспублікі Беларусь гадавы план закупак фармуецца штогод і пасля зацвярджэння заказчыкам падлягае размяшчэнню на электроннай гандлёвай пляцоўцы цягам пяці рабочых дзён, за выключэннем звестак, якiя з'яўляюцца дзяржаўнай таямніцай. У той жа час заказчыку дазволена ўносіць змены ў гадавы план дзяржаўных закупак толькі ў тым парадку, у якім гэты план быў зацверджаны.

Гэтая інфармацыя аб набыцці паталагаанатамічных мяшкоў дзяржаўнымі медыцынскімі ўстановамі РБ, можа ўскосна паказваць на рэальны маштаб эпідэмічнай катастрофы ў краіне. Пераважная большасць гэтых пакупак была зроблена ў красавіку-траўні 2020 года, што ставіць пад сумнеў магчымасць супадзення. Таксама гэта прама ставіць пад сумнеў афіцыйную колькасць аб смяротнасці, што падаецца Міністэрствам аховы здароўя Беларусі ва ўмовах усеагульнага карантыну, і паказчыкі, якія з'яўляюцца аднымі з самых нізкіх не толькі ў Еўропе, але і ў свеце.

Ніжэй пададзеная табліца тэндараў дзяржаўных медыцынскіх устаноў Рэспублікі Беларусь на закупку паталагаанатамічных мяшкоў, сфармаваную са звестак электроннай гандлёвай пляцоўкі goszakupki.by. У табліцу ўключаны тэндары з мінімальнай колькасцю прадмета закупкі - 100 шт. Адзіным выключэннем тут з'яўляюцца дзяржаўныя паліклінікі.

Прыкметы эпідэміялагічнай катастрофы ўжо з'явіліся ў Беларусі праз невыкарыстанне карантынных захадаў. Нават з афіцыйных звестак, штодзённы прырост колькасці заражаных COVID-19 у Беларусі з'яўляецца адным з найбуйнейшых на еўрапейскім кантыненце. Паводле законаў эпідэміялогіі, у Беларусі ёсць усе шанцы стаць саліднай зонай бедства. Гэта прамая небяспека не толькі для краін, якія атачаюць Беларусь, але і для Еўропы агулам. Характэрна, што адно з найбуйнейшых французскіх выданняў «Liberation» ужо адкрыта назвала Беларусь «санітарнай пагрозай для Еўропы».