1 чэрвеня 2020, панядзелак, 19:47
Сім сім, Хартыя 97!
Рубрыкі

ВУП Расеі ў красавіку абрынуўся на 28%

5
ВУП Расеі ў красавіку абрынуўся на 28%
Фота: Reuters

У параўнанні з сакавіком паказнікі ў красавіку скараціліся прыкладна на траціну.

Намінальны валавы ўнутраны прадукт (ВУП) Расеі ў красавіку, калі ва ўмовах пандэміі быў абвешчаны рэжым непрацоўных дзён, знізіўся на 28 адсоткаў у параўнанні з звесткамі гадавой даўнасці і склаў 6,3 трлн. Гэта вынікае з папярэдняй ацэнкі выканання федэральнага бюджэту за студзень – красавік гэтага года, пададзенай Мінфінам РФ. Вытрымкі з дакумента прыводзіць у аўторак, 19 траўня, агенцтва РБК.

Пры гэтым у параўнанні з сакавіком паказнікі скараціліся прыкладна на траціну.

У фінансавай установе таксама зрабілі справаздачу пра памер Фонду нацыянальнага дабрабыту (ФНБ) на 1 траўня: ён складае больш за 12,40 трлн рублёў.

Улады не разглядалі варыянт з масавай раздачай сродкаў з ФНБ

Між тым у інтэрв'ю вядоўцу праграмы "Познер" на Першым канале кіраўнік Мінпрацы Расеі Антон Кацякоў заявіў, што ўрад РФ не разглядаў варыянт з масавай раздачай грамадзянам сродкаў з гэтага фонду.

"Узяць і раздаць усё, што было сфармавана Міністэрствам фінансаў за апошнія гады як падушка бяспекі – такі варыянт не разглядаўся. Разглядаўся варыянт з ужываннем часткі рэсурсаў на развязанне актуальных задачаў", – адзначыў ён.

Пры гэтым паводле ацэнак міністра, на захады сацыяльнай падтрымкі насельніцтва былі вылучаныя "парадку 570 млрд рублёў".

Раней, у красавіку, эканамічны клуб ФБК Grant Thornton даў прагноз фінансавай сітуацыі ў РФ на год.