29 траўня 2020, Пятніца, 22:45
Сім сім, Хартыя 97!
Рубрыкі

Названая пяцёрка самых надзейных гібрыдных аўтамабіляў

1
Названая пяцёрка самых надзейных гібрыдных аўтамабіляў
ФОТА: ПРЭС-СЛУЖБА LEXUS

Пры складанні рэйтынгу выкарыстоўваліся звесткі апытання 18 119 рэспандэнтаў.

Брытанскае выданне What Car? склала рэйтынг самых надзейных гібрыдных аўто. Эксперты адзначаюць, што такія самаходы зазвычай каштуюць даражэй, чым бензінавыя і дызельныя аналагі, піша rg.ru.

Таму цвярозай ідэяй будзе купля ўжыванага аўтамабіля з бензінава-электрычнай або дызель-электрычнай сілавой устаноўкай, рэкамендуюць брытанцы. З іншага боку, яны ж папярэджваюць, што гэта - рызыкоўны ўчынак, бо рамонт гібрыдаў дарагі (праз складанасць рэалізаваных тэхналогій).

Пры складанні рэйтынгу выкарыстоўваліся звесткі апытання 18 119 рэспандэнтаў - уладальнікаў гібрыдных самаходаў. Усім ім было прапанавана адказаць на пытанне, ці здараліся паломы за апошнія 12 месяцаў, колькі часу пайшло на іх ухіленне і колькі давялося заплаціць за рапарацыю. Дзіўна, але ў пяцёрцы найлепшых ужываных гібрыдаў апынуліся ў выніку выключна мадэлі Toyota і Lexus.

1 месца - Lexus CT

ФОТА: ПРЭС-СЛУЖБА LEXUS

На вяршыні рэйтынгу з паказчыкам надзейнасці 99,5% размясціўся Lexus CT 2011 мадэльнага года. Lexus CT, магчыма, не самы файны аўтамабіль, але гэта, безумоўна, адна з самых надзейных гібрыдных мадэляў, высноўваюць аўтары рэйтынгу.

У графіках для аўтамабіляў не старэйшых за пяць гадоў Lexus CT набраў максімальныя 100% надзейнасці. Толькі 4% аўтамабіляў мелі тэхнічныя праблемы і ўсе яны былі звязаныя з акумулятарам. Пры гэтым усе няспраўнасці былі зліквідаваны паводле гарантыі.

2 месца - Toyota Auris Hybrid

ФОТА: ПРЭС-СЛУЖБА TOYOTA

Толькі 6% уладальнікаў паведамілі аб няспраўнасці Toyota Auris Hybrid, і, як і ў выпадку з Lexus CT 2011, адзінай праблемнай мясцінай стаў батарэйны блок.

Няспраўнасці выпраўляліся задарма менш чым за дзень. У выніку Toyota Auris Hybrid атрымаў рэйтынг надзейнасці 98,5% і другое месца ў рэйтынгу.

3 месца - Lexus RX

ФОТА: ПРЭС-СЛУЖБА LEXUS

На трэцяй пазіцыі размясцілася радзіна гібрыдных Lexus RX (узору 2009-2016 гадоў) з рэйтынгам надзейнасці: 97,7%. Адзначаецца, што толькі 4% уладальнікаў RX папярэдняга пакалення паведамілі, што ў іхнім аўтамабілі выявіліся тэхнічныя няспраўнасці.

Практычна адзінай праблемнай мясцінай стала сістэма выдыху. Пры гэтым нават пасля выяўлення вышэйназванага палому ўсе самаходы ездзілі, а няспраўнасці былі зліквідаваныя менш чым за тыдзень. Рахунак за рамонт склаў ад 300 да 500 фунтаў стэрлінгаў.

4 месца - Lexus IS

ФОТА: ПРЭС-СЛУЖБА LEXUS

Толькі 7% уладальнікаў Lexus IS 2013 мадэльнага года паведамілі аб няспраўнасці, галоўнай з якіх сталі колы і гума. На ўсіх аўтамабілях пасля выяўлення праблем можна было ехаць.

Непаладкі былі зліквідаваныя ў той жа дзень. Рахунак за рамонт склаў ад 300 да 500 фунтаў стэрлінгаў. Вынік - рэйтынг надзейнасці 96,6% і чацвёртае месца ў спісе.

5 месца - Toyota Prius

ФОТА: Юрый Зубко/РГ

Самаходы вырабу 2009-2015 гадоў атрымалі рэйтынг надзейнасці 92,8%. Толькі 4% уладальнікаў Prius заявілі, што ў іхнім аўтамабілі здарылася няспраўнасць.

Праблемнымі пунктамі былі названыя акумулятар, рухавік і паліўная сістэма. Частка аўтамабіляў правяла ў сэрвісе да тыдня, а рахункі за рамонт вагаліся ад 100 да 750 фунтаў стэрлінгаў.