6 чэрвеня 2020, Субота, 6:43
Сім сім, Хартыя 97!
Рубрыкі

Грэцыя з 15 чэрвеня будзе прымаць турыстаў з 20 краін

7
Грэцыя з 15 чэрвеня будзе прымаць турыстаў з 20 краін

Органы аховы здароўя будуць праводзіць выбарачнае абследаванне падарожнікаў.

Грэцыя зноў адкрыецца для замежных турыстаў 15 чэрвеня, аднак спачатку яна будзе прымаць гасцей толькі з 20 краін.

Пра гэта заявіў міністр турызму Грэцыі Харыс Тэахарыс, паведамляе "Еўрапейская праўда" са спасылкай на Greek Reporter.

Жыхарам наступных дваццаці краін, якія, на думку Грэцыі, паказалі станоўчыя эпідэміялагічныя вынікі, будзе дазволена ўехаць у краіну з 15 чэрвеня. Гэта Кіпр, Ізраіль, Нямеччына, Кітай, Аўстралія, Японія, Данія, Аўстрыя, Баўгарыя, Сербія, Румынія, Албанія Паўночная Македонія, Боснія і Герцагавіна, Харватыя, Вугоршчына, Польшча, Чэхія, Славаччына, Нарвегія.

Раней грэцкі ўрад абвясціў, што замежнікі павінны будуць атрымаць адмоўны вынік на Covid-19 за пяць дзён да паездкі ў Грэцыю, але цяпер гэта патрабаванне скасавалі.

Аднак органы аховы здароўя будуць праводзіць выбарачнае абследаванне падарожнікаў, якія прыбываюць з-за мяжы. Медыцынскія пратаколы будуць ужывацца ў сферах падарожжаў, пражывання і харчавання ў турыстычных зонах.

Таксама плануецца з 1 ліпеня пашырыць спіс яшчэ шэрагам краін, а праз два тыдні дадаць яшчэ групу краін.

Жыхарам краін, якія маюць, на думку Грэцыі, неспрыяльныя існыя эпідэміялагічныя характарыстыкі, не дазволяць наведваць Грэцыю да 15 ліпеня. Напрыклад, жыхарам Злучанага Каралеўства пакуль не будзе дазволена наведваць Грэцыю.