Віцэ-міністр Літвы: Вільня павінна актывізаваць дзеянні ў бяспецы БелАЭС

Літва звярнулася па падтрымку да ЗША.

Дастаўка ядзернага паліва на Беларускую АЭС (БелАЭС) у Астраўцы змушае Літву больш актыўна дамагацца максімальнай бяспекі станцыі, што будуецца, і пагадненняў з суседзямі пра тое, што вырабленая на ёй электраэнэргія не будзе закупляцца, заявіў віцэ-міністр замежных спраў Літвы Альбінас Занавічус, паведамляе delfi.lt.

З ягоных слоў, плануецца дабіцца таго, каб Еўразвяз пастаянна імкнуўся і падвышаў ціск на Менск у пытанні рэалізацыі рэкамендацый стрэс-тэстаў ЕЗ яшчэ да запуску станцыі.

«У фарматах ЕЗ у нас ёсць мэта забяспечыць пастаянны нагляд ЕЗ і павысіць ціск на Беларусь з мэтай рэалізацыі рэкамендацый стрэс-тэстаў ЕЗ да запуску атамнай станцыі», - сказаў віцэ-міністр.

З ягоных слоў, на двухбаковых перамоў Літвы і Беларусі паспрабуюць дамагчыся пераносу пачатку працы станцыі.

А. Занавічус падкрэсліў, што ведамства цяпер спрабуе заручыцца таксама і большай падтрымкай ЗША ў пытаннях бяспекі БелАЭС.

«Будзем імкнуцца да таго, каб у двухбаковай позве ЗША і Беларусі паўстала гэтае пытанне. Мы просім большай падтрымкі ЗША ў фарматах МАГАТЭ», - сказаў А. Занавічус.

На мінулым тыдні МАГАТЭ падала 11 рэкамендацый і восем прапаноў у павышэнні бяспекі БелАЭС. Літва і Беларусь на гэтым тыдні падпісалі пагадненні аб ранняй абвестцы пра атамныя аварыі і абмене інфармацыяй аб аб'ектах атамнай энэргетыкі і іх дзейнасці.