Пазыковая нагрузка расейцаў дасягнула гістарычнага максімуму

Гэты ўзровень паказвае долю абавязковых плацяжоў у крэдытах у наяўных даходах расейцаў.

Узровень пазыковай нагрузкі расейцаў на 1 красавіка 2020 года дасягнуў 10,9% - гэта максімальнае значэнне за ўвесь час назіранняў, указаў ЦБ РФ у «Аглядзе фінансавай стабільнасці», апублікаванай 28 траўня, паведамляе kasparov.ru.

Гэты ўзровень паказвае долю абавязковых плацяжоў у крэдытах у наяўных даходах расейцаў, пераважна ён вырас за кошт незабяспечанага крэдытавання, адзначае ЦБ.

Незабяспечаныя спажывецкія крэдыты дасягнулі ўзроўню 2014 г.

Частка пазычальнікаў у красавіку-траўні не маглі своечасова выканаць абавязанні ў крэдыце праз зніжэнне даходаў і немагчымасці наведаць офіс банка праз абмежавальныя меры, піша ЦБ. У выніку ў першай палове красавіка каэфіцыент выхаду ў першую пратэрміноўку па незабяспечаных крэдытах вырас у 1,3 - 1,5 разы ў параўнанні са значэннямі сакавіка 2020 г.

Доля крэдытаў з лімітавай пазыковай нагрузкай (калі чалавек аддае больш за 80% штомесячнага даходу па крэдыце) склала 23%, паказвае ЦБ. Рэгулятар уважае такія крэдыты рызыкоўнымі, з высокай доляй верагоднасці таго, што пазычальніку спатрэбіцца рэструктурызацыя пазык.

Банкі ўжо прапануюць пазычальнікам праграмы рэструктурызацыі, а дзяржава - крэдытныя вакацыі з адтэрміноўкай плацяжоў на паўгода. Патрэба ў крэдытных вакацыях пераважна ўзнікае ў людзей, якія працуюць у найбольш пацярпелых ад крызісу галінах. А на іх можа прыпадаць да траціны дзейных крэдытаў, ацэньвае ЦБ.

Чаканыя маштабы рэструктурызацыі ў кароткатэрміновы перыяд могуць негатыўна адбіцца на ліквіднасці асобных банкаў, папярэджвае рэгулятар.