Літва вярнула візавы збор для грамадзян Беларусі
21- 22.06.2020, 21:43
- 56,357
Нацыянальная літоўская віза будзе каштаваць для беларусаў 60 еўраў.
Літва з ліпеня вяртае візавы збор для грамадзян Беларусі, піша delfi.lt.
Нацыянальная літоўская віза будзе каштаваць для беларусаў 60 еўраў. Столькі ж каштуе беларуская віза для літоўцаў.
Пастанову аб вяртанні візавага збору літоўскі ўрад прыняў у панядзелак, 22 чэрвеня. Гэты збор не спаганяўся з 2011 года. Міністр замежных спраў Літвы Лінас Лінкявічус растлумачыў, што візы будуць выдавацца са зніжкай у 50%. Ён назваў гэта парытэтнай люстранай пастановай, бо беларусы ўжываюць такую зніжку да грамадзян Літвы.
Паводле звестак літоўскага МЗС, у 2011-2019 гадах грамадзяне Беларусі атрымалі 44 966 нацыянальных віз. Консульскі збор за гэты час мог бы скласці больш за 2,6 мільёна еўраў.
Беларусь не выказала пратэсту з нагоды такой пастановы Літвы. Аднак афіцыйны Менск пажадаў, каб гэты збор пачаў дзейнічаць разам з дамовай з ЕЗ аб спрошчаным парадку выдачы візаў, гэта значыць з 1 ліпеня.
Нагадаем, што шэнгенская віза з 1 ліпеня будзе каштаваць для беларусаў 35 еўраў.