Навукоўцы высветлілі, пра што кажа манера кіравання аўтамабілем

Псіхолагі прыйшлі да цікавых высноваў.

У сённяшніх рэаліях язда за рулём для многіх з'яўляецца проста часткай паўсядзённага жыцця. Аўтамабіль з'яўляецца сродкам перамяшчэння і выкарыстоўваецца для паездак з самых розных падставаў. Але ў кожнага чалавека свая манера кіравання. Таму на дарозе заўсёды можна сустрэць як залішне хуткіх і нецярплівых кіроўцаў, так і, наадварот, тых, якія перасоўваюцца з максімальнай асцярожнасцю, піша lenta.ua.

Сама ж манера язды залежыць ад цэлага шэрагу чыннікаў, сярод якіх можна назваць выхаванне, стаўленне да ўласнасці, статус і эмоцыі. На думку псіхолагаў, вывучыўшы манеру кіравання, можна вызначыць тэмперамент кіроўцы.

Так, халерыкам уласцівая шпаркасць дзеянняў, раздражняльнасць, ён не можа чакаць і цярпець, таму будзе шукаць розныя варыянты, як праехаць, сустрэўшы якую-небудзь часовую перашкоду.

Сангвінік таксама досыць рухомы і эмацыйны, але пры гэтым умее стрымлівацца і прыстасоўвацца да ўмоваў. Яму ўласціва парушаць хуткасны рэжым, але зусім не абавязкова, у адрозненне ад халерыка, заўсёды быць першым на святлафоры.

Меланхолікі старанна прытрымліваюцца ўсіх правілаў дарожнага руху і валодаюць самай павольнай рэакцыяй. Менавіта іх манера язды часцяком раздражняе іншых удзельнікаў руху. Яны не з'яўляюцца вялікімі аматарамі язды і звычайна садзяцца за руль у выпадку вострай неабходнасці.

Флегматыку ўласцівая раўнамерная ўзважаная язда, іх складана вывесці з сябе. Ідэальнымі ўмовамі для іх з'яўляюцца далёкія рэйсы і начная язда.

У залежнасці ад свайго тэмпераменту кіроўцы рэагуюць і на ўзніклыя на дарозе стрэсавыя сітуацыі. Гэтая рэакцыя будзе абсалютна аналагічная той, якую яны праяўляюць і звычайным жыцці, калі знаходзяцца не за рулём.