У ЗША ўхвалілі план вываду 9 500 вайскоўцаў з Нямеччыны
2- 1.07.2020, 11:06
- 9,890
Частка гэтых войскаў можа адправіцца ў Польшчу.
Прэзідэнт ЗША Дональд Трамп зацвердзіў пастанову аб вывадзе 9500 амерыканскіх вайскоўцаў з Нямеччыны. Аб гэтым паведамляецца на афіцыйным сайце Пентагона, піша gordonua.com.
План вываду вайскоўцаў быў прадстаўлены Трампу 29 чэрвеня міністрам абароны і старшынёй Аб'яднанага камітэта начальнікаў штабоў.
"Зацверджаная прапанова не толькі адпавядае дырэктыве прэзідэнта, але і ўмацуе стрымліванне Расеі, умацуе NATO, супакоіць хаўруснікаў, палепшыць стратэгічную гнуткасць ЗША і аператыўную гнуткасць Еўрапейскага камандавання ЗША, а таксама дасць магчымасць паклапаціцца пра нашых вайскоўцаў і іх сем'і", - сказана ў заяве.
Дэталяў аб вывадзе войскаў у паведамленні не падаецца.
Прадстаўнікі Пентагона кажуць, што ў выпадку скарачэння частка войскаў можа быць адпраўлена ў былыя краіны Усходняга блока - некаторыя на пастаяннай аснове, але большасць у кароткатэрміновай ратацыі.
У той час як польскі лідар Анджэй Дуда наведаў Вашынгтон на мінулым тыдні, Трамп сказаў, што частка амерыканскіх войскаў могуць адправіць у Польшчу. "Некаторыя будуць вяртацца дадому, а некаторыя - у іншыя месцы. Польшча будзе адным з такіх месцаў", - сказаў ён.
Цяпер у Польшчы размешчаны амаль 5 000 амерыканскіх вайскоўцаў.