ЗША скупілі амаль усе запасы здольнага вылечыць COVID-19 прэпарата

Амерыканскія ўлады купілі больш за 500 тысяч Доз прэпарата «Рэмдэсівір».

Улады ЗША скупілі практычна ўсе запасы лекавага прэпарата Veklury (Remdesivir, «Рэмдэсівір»), які эфектыўна прымяняецца пры лячэнні каранавіруса COVID-19. Пра гэта піша РБК са спасылкай на The Guardian.

Паводле звестак газеты, адміністрацыя амерыканскага прэзідэнта Дональда Трампа купіла ў каліфарнійскай біяфармацэўтычнай кампаніі Gilead Sciences больш за 500 тысяч доз, што складае ўсе запасы кампаніі на ліпень і 90% ад жнівеньскіх і вераснёўскіх запасаў.

Такім чынам, як уважаюць апытаныя выданнем экспэрты, Вашынгтон істотна абмежаваў доступ еўрапейскіх дзяржаў, уключаючы Вялікабрытанію, а таксама краін ва ўсім свеце да гэтага прэпарата. «Яны атрымалі доступ да большай часткі леку, таму для Еўропы нічога не засталося, - заявіў старэйшы запрошаны навуковы супрацоўнік Ліверпульскі ўніверсітэт Эндру Хіл. - Гэта першы буйны ўхвалены прэпарат, і дзе ж механізм доступу?»

На яго думку, адным са спосабаў для брытанскіх уладаў вырашыць праблему з ужываннем «Рэмдэсівіра», выключныя правы на вытворчасць якога належаць Gilead Sciences, можа стаць выдача прымусовай ліцэнзіі на гэтыя лекі. Як адзначае Guardian, гэта дазволіла б Брытаніі пачаць закупляць джынэрыкі гэтага прэпарата, вырабленыя ў Індыі ці Бангладэш.

Паводле ацэнак Gilead Sciences, выкарыстанне «Рэмдэсівіра» пры лячэнні пацыентаў з COVID-19 дазваляе скараціць перыяд выздараўлення да чатырох дзён. У сярэднім чалавеку неабходны пяцідзённы курс з ужываннем шасці ампул гэтага леку. Улічваючы той факт, што для развітых краін кампанія ўстанавіла адзіную цану на прэпарат сумаю $390 за ампулу, то поўны курс абыдзецца ў $2340.

«Рэмдэсівір» прайшоў клінічныя выпрабаванні на здольнасць лячыць пацыентаў з каранавірусам COVID-19 некалькі месяцаў таму. Улады шэрагу краін, уключаючы Японію, Паўднёвую Карэю, Індыю, Брытанію і Ізраіль ухвалілі яго выкарыстанне. Улады ЗША ў пачатку траўня і зусім выдалі экстранны дазвол на выкарыстанне «Рэмдэсівіра» для лячэння заражаных каранавірусам.

Першапачаткова «Рэмдэсівір» быў распрацаваны ў рамках тэставання для лячэння гепатыту С і рэспіраторна-сінцытыяльнага віруса, а таксама праходзіў выпрабаванні для лячэння ліхаманкі Эбола, аднак не быў прызнаны эфектыўным сродкам.