Вядомы ўкраінскі журналіст Юрый Бутусаў заразіўся каранавірусам
- 19.07.2020, 16:47
- 12,864
Галоўны рэдактар сайта censor.net.ua на самаізаляцыі.
Вядомы ўкраінскі журналіст, галоўны рэдактар сайта Цензор.НЕТ Юрый Бутусаў заразіўся каранавірусам. Пра гэта ён паведаміў на сваёй старонцы ў Facebook, піша unian.net.
«У мяне каранавірус. Толькі што атрымаў заключэнне лабараторыі «Дзіла». Уважаю за неабходнае паведаміць усім, з кім я быў у кантакце за апошні час», - напісаў ён.
Са слоў Бутусава, сімптомаў як такіх, акрамя тэмпературы 36,9-37,2 і невялікай ламаніны ў суставах, у яго няма.
«Іншых сімптомаў – болю ў горле няма, тэмпература не падвышаецца, яе нават можна не заўважыць. Калі б не эпідэмія, я мог бы і не звярнуць увагу, аднак у такім выпадку лепш не марудзіць з тэставаннем. Яго робяць вельмі хутка, гэта не стварае вялікіх нязручнасцяў», - адзначыў ён.
«Дзе я мог падхапіць вірус, калі шчыра, не ведаю. У гэты момант адчуваю сябе добра, нейкіх праблем няма. У мяне ўсё ёсць, я на самаізаляцыі дома, сям'я таксама будзе на самаізаляцыі да моманту поўнага выздараўлення», - запэўніў Юрый Бутусаў.