Пікет Святланы Ціханоўскай у Глыбокім стаў самым масавым у гісторыі горада
34- 24.07.2020, 13:39
- 83,444
На сустрэчу прыйшлі блізу 2000 чалавек.
Сёння ў Глыбокім прайшоў пікет аб'яднанага штаба кандыдата ў прэзідэнты Беларусі Святланы Ціханоўскай. Як адзначаюць жыхары горада, якіх на сустрэчы было амаль 2000 чалавек, мітынг стаў самым масавым у гісторыі Глыбокага. Вельмі многія прыйшлі з нацыянальнай сімволікай і бел-чырвона-белымі сцягамі.
14:40 Сустрэча ў Глыбокім заканчваецца. Нагадаем, што сёння аб'яднаны штаб Святланы Ціханоўскай наведае Наваполацк (16:30) і Віцебск (19:00).
14:26 на мітынгу Святланы Ціханоўскай выступаюць звычайныя жыхары Глыбокага. Кожны ахвотны можа выказаць сваё меркаванне.
14:17 Уся краіна хоча пераменаў!
14:14 У размовах з журналістамі жыхары Глыбокага адзначаюць, што гэта самы масавы мітынг у гісторыі горада.
14:08 Выступае прадстаўніца штаба Віктара Бабарыкі Марына Калеснікава. Людзі вельмі эмацыйна рэагуюць на словы пра тое, што лекары і іншыя прадстаўнікі бюджэтнай сферы працуюць за капейкі. Жыхары Глыбокага скандуюць «Ганьба!»
14:00 Проста ўзрушаючая колькасць людзей выйшла на мітынг.
13:57 Людзі не змяшчаюцца на заяўленай пляцоўцы і вымушаныя стаяць на другім баку вуліцы.
13:55 Святлана Ціханоўская ў сваім выступе распавяла, што ідзе ў прэзідэнты, каб вызваліць мужа Сяргея Ціханоўскага і вярнуць у Беларусь сумленныя выбары.
13:49 Каманда Святланы Ціханоўскай прыехала ў Глыбокае.
13:48 Журналісты адзначаюць, што на мітынг прыйшлі ўжо блізу тысяча чалавек, а насельніцтва Глыбокага - усяго 17800 чалавек.