6 жнiўня 2020, Чацвер, 19:49
Сім сім, Хартыя 97!
Рубрыкі

Палеантолагі знайшлі парэшткі гіганцкіх марскіх скарпіёнаў

1
Палеантолагі знайшлі парэшткі гіганцкіх марскіх скарпіёнаў
ІЛЮСТРАЦЫЙНАЕ ФОТА

Яны жылі ў Аўстраліі ў перыяд палеазою.

Навукоўцы здолелі знайсці новыя сведчанні таго, што ў перыяд палеазою Аўстралію насялялі гіганцкія марскія скарпіёны. Палеантолагі атрымалі ў сваё распараджэнне добра захаваную закамянеласць адной асобіны, піша lenta.ua.

Адзначаецца, перыяд палеазою адрозніваўся разнастайнасцю флоры і фауны. Яго адлік пачынаецца з 541 мільёна гадоў да нашай эры, а доўжыўся ён на працягу 290 млн гадоў. Навукоўцы даўно ўсталявалі, што менавіта ў тыя часы на Зямлі жылі самыя вялікія ў яе гісторыі кузуркі і членістаногія, чаму спрыялі прыродныя ўмовы і іншыя чыннікі.

Яшчэ ў 1899 годзе даследчыкі выявілі фрагмент істоты, якая пасля атрымала імя Adelophthalmus waterstoni. Гаворка ідзе пра парэшткі закамянеласці, знойдзенай у Мэльбурне. Вывучыўшы іх, спецыялісты канстатавалі, у той перыяд берагі Аўстраліі насялялі гіганцкія марскія скарпіёны. Іх памеры маглі дасягаць 2,5 метраў. Пасля навуковыя работнікі неаднаразова знаходзілі і іншыя довады, якія раней памылкова не разглядалі як закамянеласці жывых істот, але гэтага было недастаткова, каб пацвердзіць раней вылучаную тэорыю.

Толькі нядаўна ў рукі навукоўцаў трапіў фрагментаваны ўзор, памер якога не перавышае 5,7 см, але гэтага было дастаткова для атрымання новых важных звестак. Цяпер палеантолагі ведаюць, блізу Аўстраліі жылі прадстаўнікі шасці розных груп гэтага віду. У той момант 2,5-метровыя скарпіёны з'яўляліся самымі небяспечнымі марскімі драпежнікамі, якіх можна параўнаць з белымі акуламі, якія не маюць годных спаборнікаў.