12 жнiўня 2020, Серада, 3:28
Сім сім, Хартыя 97!
Рубрыкі

Пляскаем героям!

Пляскаем героям!
Арсень Дзядок

Салідарнасць прывядзе нас да перамогі над сістэмай.

«Але што засталося зрабіць нам, маленькаму народу на скрыжалях гісторыі, каб выжыць біялагічна і культурна? Разлічвайце не на Захад, а на свае сілы. І шукайце паплечнікаў, якія змогуць выступіць з намі салідарнасцю».

Гэта цытата з кнігі «Салідарнасць. Пра рабочы рух у Польшчы і Расеі». Адна з тых кніг, пра якія я напісаў сваю першую курсавую на гістарычным факультэце. Здаецца, цяпер гэта як ніколі актуальна. Таму што толькі наша салідарнасць (салідарнасць беларускай нацыі) зможа прывесці нас да перамогі над аўтарытарнай сістэмай.

Вось і хачу яшчэ раз нагадаць. Кожны вечар у 19:00 выходзьце на балконы, слухайце гучныя песні перамен, пляскайце ў ладкі нашым героям!

Арсень Дзядок, прэс-служба грамадзянскай кампаніі «Еўрапейская Беларусь»

Беларускія блогеры і актывісты прапанавалі праводзіць Флэшмоб салідарнасці. Мэта акцыі - падтрымаць медыкаў, якія змагаюцца за нашае жыццё і герояў, якія зараз знаходзяцца за кратамі.

Кожны дзень а 19:00 на знак салідарнасці адчыняем вокны кватэр, выходзім на балконы, пляскаем у ладкі, бразгочам рондалямі або ўключаем музыку. Усяго 2 хвіліны - але кожны дзень і да перамогі!