«Дыджэй пераменаў»: У карцары мяне збіваў намеснік кіраўніка МУС Барсукоў

Барсукоў прыйшоў у карцар да Улада Сакалоўскага на трэція суткі затрымання.

Улад Сакалоўскі – адзін з дыджэяў, якія ўключылі песню «Перемен» на афіцыйным мітынгу 6 жніўня, за які ён атрымаў 10 сутак арышту на вуліцы Акрэсціна, расказаў nn.by, што ў карцары яго збіваў намеснік міністра ўнутраных справаў Аляксандр Барсукоў.

Паводле словаў Сакалоўскага, на трэція суткі затрымання да яго прыйшоў «нейкі кіраўнік».

«Мне крыкнулі: тварам да сцяны! Кіраўнік кажа: «Музыку уключыў? Пераменаў хацеў? Столькі людзей выйшлі на вуліцы, столькі крыві, з-за вас! Ну, рыхтуйся, сядзеш гадоў на 10». Ён два разы ўдарыў мяне і выйшаў. Сыходзячы, ён сказаў: «Чаго гэта ён тут, як у санаторыі? Зрабі, як трэба. «Пасля гэтага ложак перасталі адкідваць, абдзімалі халодным паветрам. Было вельмі холадна», – сказаў ён.

Пасля вызвалення Улад Сакалоўскі пазнаў у гэтым кіраўніку Аляксандра Барсукова, намесніка Караева. Барсукоў прыязджаў на Акрэсціна ў ноч на 14 жніўня, запэўніваў людзей, што ў камерах нікога не б'юць і не катуюць.