Беларусы Варшавы выйшлі на Марш нацыянальнага сцяга

Сотні беларусаў з нацыянальнай сімволікай прайшліся маршам галоўнай вуліцай Варшавы.

Сёння беларусы святкуюць Дзень дзяржаўнага сцяга і герба. 19 верасня 1991 года - найважнейшая дата ў найноўшай гісторыі Беларусі. У гэты дзень герб «Пагоня» і бел-чырвона-белы сцяг сталі дзяржаўнымі сімваламі нашай дзяржавы.

У Варшаве з гэтай нагоды беларусы выйшлі на Марш нацыянальнага сцяга. Некалькі сотняў беларусаў з бел-чырвона-белымі сцягамі і плакатамі прайшліся галоўнай вуліцай сталіцы Польшчы - Новы Свят, паведамляе карэспандэнт Charter97.org.

Беларусы ў вопратцы белых і чырвоных колераў неслі плакаты «Свабодная Беларусь», «Муры абрынуцца», «Закрый рот - адкрый межы», «Лукашэнку пад трыбунал!», «Не забудземся, не прабачым!». Падчас шэсця ўдзельнікі маршу скандавалі «Жыве Беларусь!», «Лукашэнка, сыходзь!» і спявалі пратэстныя песні.

Удзельнікі маршу дайшлі да Замкавага Пляцу, дзе адбыўся мітынг. На мітынгу выступілі лідар Беларускай Нацыянальнай Памяці Анатоль Міхнавец, лідар руху салідарнасці «Разам» Вячаслаў Сіўчык. Беларускія пратэстныя песні выканаў бард Раман Корбут.

Арганізатарамі маршу выступілі Беларуская Нацыянальная Памяць, Беларускі Моладзевы Хаб і Цэнтр Беларускай Салідарнасці.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com