У Менску затрыманы музыка Аляксандр Памідораў
14- 19.09.2020, 21:28
- 40,355
Ён выступаў на вулічным канцэрце ў Шабанах.
Музыку Аляксандра Памідорава затрымалі карнікі пасля вулічнага канцэрту, якія ён даў у сталічным раёне Шабаны ў суботу.
На відэазапісу, які з'явіўся ў інтэрнэце, відаць, як людзі ў форме заводзяць Памідорава ў аўтазак.
У ГУУС Менгарвыканкама пацвердзілі затрыманне музыкі. «Ён дастаўлены ў Заводскі РУУС у рамках адміністрацыйнага працэсу», - паведаміла агенцтву «Интерфакс-Запад» афіцыйная прадстаўніца ГУУС Наталля Ганусевіч.
Аляксандр Памідораў з'яўляецца вядомым беларускім шоўмэнам, блюз-музыкам і кампазітарам.