Гітанас Наўседа: Цырымонія ў Менску не стварае нават ілюзіі легітымнасці
4- 23.09.2020, 14:15
- 19,291
Літва не прызнае Лукашэнку законным кіраўніком Беларусі.
Літва не прызнае Лукашэнку законным прэзідэнтам Беларусі, і арганізаваная ў Менску цырымонія інаўгурацыі гэтага дачынення не зменіць, заявіў прэзідэнт Літвы Гітанас Наўседа, паведамляе delfi.lt.
Кіраўнік Літвы заявіў, што выбары прэзідэнта, якія адбыліся ў Беларусі ў жніўні, не былі свабоднымі, таму Літва выказваецца за новыя дэмакратычныя выбары прэзідэнта Беларусі.
"Літва не прызнае А. Лукашэнку законным кіраўніком Беларусі. Выбары, якія адбыліся ў Беларусі 9 жніўня, не былі свабоднымі, сумленнымі і дэмакратычнымі. Ні таемныя, ні пампезныя цырымоніі не аспрэчаць гэтага неаспрэчнага факту і не створаць ілюзію легітымнасці", – заявіў у сераду прэзідэнт Літвы.