Сваякі Марыі Калеснікавай падалі заяву аб ейным знікненні ў міліцыю
75- 7.09.2020, 21:48
- 53,777
Раніцай невядомыя людзі пасадзілі Марыю Калеснікаву ў бус і павезлі ў невядомым кірунку.
Родныя чальца Каардынацыйнай рады для дыялогу з Лукашэнкам Марыі Калеснікавай падалі ў міліцыю заяву аб яе знікненні, паведамляе штаб Віктара Бабарыкі.
«Сваякі Марыі Калеснікавай падалі заяву ў міліцыю паводле факту знікнення. У міліцыі сказалі, што заява прынята, Марыю шукаюць», - сказана ў паведамленні штаба.
Нагадаем, раніцай 7 верасня невядомыя людзі ў цэнтры Менска пасадзілі Марыю Калеснікава ў мікрааўтобус з надпісам «Сувязь» і павезлі ў невядомым кірунку. Таксама на сувязь перасталі выходзіць прадстаўнікі Каардынацыйнай рады Антон Раднянкоў і Іван Краўцоў.
Як пазней распавёў сябра Каардынацыйнай рады ў дыялогу з Лукашэнкам Максім Знак, Калеснікава раніцай пайшла на пошту, каб забраць два лісты: апавяшчэнне з РУУС Цэнтральнага раёна аб пратаколе за ўдзел у несанкцыянаванай масавай акцыі 30 жніўня і ліст з КДБ. Але да пошты Марыя дайсці не паспела - невядомыя пасадзілі яе ў мікрааўтобус і павезлі.