Беларускія ўлады масава высякаюць і прадаюць лес-кругляк

Рэжым заняўся разрабаваннем краіны.

Telegram-канал «Нік і Майк» звярнуў увагу на тое, што беларускія ўлады масава прадаюць у ЕЗ лес-кругляк:

- Пра тое, што Лукашэнка хлусіць як дыхае - можна выдаць кнігу на некалькі тамоў. Вось яшчэ адзін свежы прыклад.

У Беларусі з 2018 года дзейнічае забарона на вываз лесу-кругляка. Яшчэ ў красавіку 2020 года Лукашэнка спрабаваў здацца змагаром за беларускую прыроду.

Сапраўды, у 2018 годзе экспарт рэзка пайшоў уніз. Для дазволу на вываз лесу-кругляка патрэбна была віза асабіста Лукашэнкі, чым ён актыўна казырыўся. Калі ў 2016 годзе экспартавалі ў ЕЗ на 91,5 мільёнаў еўраў, у 2017 - на 82,3 мільёнаў еўраў, то у 2018 - толькі на 3 млн, у 2019 - на 6,8 млн (выявая падаецца).

На кожнай нарадзе аб лясной гаспадарцы Лукашэнка падкрэсліваў пра дрэннае стаўленне да лесу і што лес-кругляк ён не дазволіць экспартаваць ніколі ў жыцці. Маўляў, самі ўсё можам перапрацаваць і адправіць на экспарт не кругляк або дошкі, а прадукцыю з высокай дададзенай вартасцю - напрыклад, мэблю. Балазе мадэрнізацыя дрэваапрацоўчых прадпрыемстваў закончаная (ха-ха-ха). Здаецца вось-вось павінны былі зажыць, але нешта пайшло не так.

Толькі за студзень-кастрычнік экспарт лесу-кругляка ў ЕЗ склаў 18,6 млн даляраў. Звесткі Кіравання спраў Лукашэнкі пацвярджаюць трэнд - экспарт лесу-кругляка ў параўнанні з 2019 годам павялічыўся ў 15 разоў. Адзначым, што ў абедзвюх справаздачах няма звестак пра Кітай, а лес туды вывозіцца адназначна. Толькі тэндараў на транспартна-экспедыцыйныя паслугі для вывазу 62,8 тысяч метраў кубічных піламатэрыялаў адбылося на 4,5 млн даляраў.

Дасведчаныя людзі кажуць, што такіх тэмпаў экспарту не бачылі ніколі раней. Па БЧ вагоны ішлі сотнямі, колавы транспарт таксама на ўсю моц працаваў. Нік даведаўшыся, што яшчэ ў канцы 2020 года лясгасы дарэзалі нару 2021 (!!!) года. Такі тэмп натуральным чынам адбіўся на кошце ўнутры краіны - ён вырас удвая. Карацей, забарона на вываз лесу-кругляка альбо цішком скасаваная, альбо Лукашэнка асабіста санкцыянуе разрабаванне краіны.

Але дыктатар надумаў на гэтым не спыняцца і ў лістападзе 2020 года падпісаў указ, згодна з якім лясгасам даецца магчымасць выстаўляць на біржавыя таргі драўніну на пні для правядзення суцэльных санітарных высечак. Ну, вы ведаеце, як гэта робіцца: знайшлі жука-караеда ў адным дрэве - высеклі 3 гектары.

Акрамя таго, указ дае магчымасць рэалізацыі драўніны на пні праз узгадненне з аблвыканкамамі па-за біржавымі таргамі юрыдычным асобам, якія ажыццяўляюць перапрацоўку і пастаўку прадукцыі на экспарт.