Аляксей Навальны: Я цалкам шчаслівы, што прыляцеў

У аэрапорце Шарамеццева расейскі палітык звярнуўся да сустракальнікаў.

«Гэта найлепшы мой дзень за апошнія 5 месяцаў, я цалкам шчаслівы, што прыляцеў. Зараз выйду і паеду дадому, таму што я маю рацыю, усе крымінальныя справы сфабрыкаваныя. Нічога не баюся і вас заклікаю нічога не баяцца. Пайшлі на памежкантроль».

Самалёт з Нямеччыны з Аляксеем Навальным на борце сеў у аэрапорце Шарамеццева. Рэйс раптам быў перанакіраваны ў паўночную паветраную гавань сталіцы ўжо перад падлётам да Унукава. Авіякампанія «Перамога» паведаміла, што тры яе барты паляцелі на запасныя аэрадромы з тэхнічных прычынаў.