Нямецкія эколагі надоўга прыпынілі «Паўночны струмень-2»

Грамадскія арганізацыі Нямеччыны атрымалі выключныя магчымасці для блакавання праекта.

Умяшанне нямецкіх экалагічных арганізацый, якія апратэставалі выдачу дазволу Федэральным ведамствам марскога суднаходства і гідраграфіі (BSH) на будаўніцтва газаправода "Паўночны струмень-2", можа затармазіць яго кладку на няпэўны час. "Ад нас гэта не залежыць", - заявіла кіраўнік ведамства Карын Каман-Кліпштайн (Karin Kammann-Klippstein), паведамляе dw.com.

Прычына затрымкі ў тым, што, падаўшы апеляцыю на выдачу дазволу, прыродаахоўныя арганізацыі Deutsche Umwelthilfe (DUH) і Нямецкі звяз аховы прыроды і біяразнастайнасці (NABU) яшчэ не далі неабходнага для гэтага абгрунтавання. Канкрэтны тэрмін падачы гэтага абгрунтавання, са слоў Каман-Клыпштайн, не ўстаноўлены, да таго ж у выпадку адмоўнай пастановы BSH эколагі могуць абскардзіць і яго.

На пытанне, ці можа працэс зацягнуцца да наступнага года, кіраўніца федэральнага агенцтва адказала: "Так, гэта можа працягнуцца некаторы час".

Фэдэральнае ведамства марскога суднаходства і гідраграфіі выдала дазвол на далейшае будаўніцтва "Паўночнага струменю-2" у нямецкіх водах 15 студзеня; ранейшая пастанова не дазволіла б пачаць работы да канца траўня. Аднак пасля падачы апеляцыі DUH і NABU дзеянне гэтага дазволу было часова прыпыненае.

Будаўніцтва "Паўночнага струменю-2" было адноўлена ў снежні

Работы для ўкладкі труб былі прыпыненыя ў снежні 2019 года праз санкцыі ЗША ў дачыненні да еўрапейскіх падрадчыкаў. Расейскае судна-трубаўкладчыкаў "Акадэмік Чэрскі" прыбыло са Знаходкі ў нямецкі порт Мукран яшчэ ў траўні 2020 года, але дацкія ўлады забаранілі ўсе будаўнічыя работы ў раёне выспы Барнхольм, патлумачыўшы гэта нерастам траскі. У снежні 2020 года працы аднавіліся, незадоўга да Новага года былі выкладзеныя трубы на адцінку працягласцю на 2,6 кіламетра ў асаблівай эканамічнай зоне Нямеччыны.

Будаўніцтва "Паўночнага струменю-2" выклікала бурныя дыскусіі ў шэрагу краін. Злучаныя Штаты паказваюць на пагрозу залежнасці ЕЗ ад расейскага газу. Пасля рэзананснага атручвання расейскага апазіцыянера Аляксея Навальнага ў Нямеччыне і Еўропе пачаліся дыскусіі аб магчымым увядзенні санкцый, якія закранаюць будаўніцтва газаправод.

Кангрэс ЗША ўключыў у абаронны бюджэт на 2021 фінансавы год штрафныя захады за спрыянне продажу, арэнду або выдачу судоў-трубаўкладчыкаў для будаўніцтва газаправода, а таксама за выдачу страхавой кампенсацыі для суднаў, якія ўдзельнічаюць у будаўніцтве.