10 красавiка 2021, Субота, 22:26
Сім сім, Хартыя 97!
Рубрыкі

Гары Каспараў: Калі сітуацыя ў РФ прыме хоць бы блізка такі характар, як у Беларусі, то ўсё пачне мяняцца вельмі хутка

12
Гары Каспараў: Калі сітуацыя ў РФ прыме хоць бы блізка такі характар, як у Беларусі, то ўсё пачне мяняцца вельмі хутка
ФОТА: DELFI

Зіма скончыцца, пачнецца вясна.

13-ты чэмпіён свету ў шахматах Гары Каспараў, каментуючы нядаўнія пратэсты ў Расеі, параўнаў тое, што адбываецца з сітуацыяй у Беларусі, дзе пасля выбараў 9 жніўня пачаліся пратэсты.

- Зіма скончыцца, пачнецца вясна. Нікуды гэта не дзелася. Нянавісць да рэжыму захоўваецца. Але чаму Лукашэнка ўтрымаўся, чаму гэта атрымалася - таму што за спінай у яго быў Пуцін. Таму што працэс зрывання пагонаў, выкідання формы, пераход на бок народа, ён не прыняў масавы характар з адной простай прычыны: кіраўніцтва сілавых структур глядзіць на Маскву. Больш за тое, ніякіх сумневаў няма, што ўсе гэтыя амапаўскія і іншыя падраздзяленні былі экіпіраваны афіцэрамі з Расеі. І тое ж беларускае войска, якое цалкам магло пакласці канец бясчынству Лукашэнкі, яно таксама знаходзіцца дэ-факта пад кантролем пуцінскіх прызначэнцаў.

Гэта значыць казаць, што Лукашэнка ўтрымаўся за кошт унутраных рэсурсаў, было б няправільна. У Пуціна няма рэсурсу, які выходзіць за рамкі яго магчымасцяў, няма іншага Пуціна за яго спінай. Таму калі сітуацыя ў Расеі прыме хоць бы блізка такі характар, як у Беларусі - пакуль, вядома, я згодны, гэтага яшчэ няма, - то ўсё пачне мяняцца вельмі хутка і імкліва, - сказаў Каспараў у эфіры «Эхо Москвы».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».