6 снежня 2021, панядзелак, 11:32
Сім сім, Хартыя 97!
Рубрыкі

Расея заявіла, што можа спыніць транзіт нафтапрадуктаў праз Беларусь праз дзеянні рэжыму

16
Расея заявіла, што можа спыніць транзіт нафтапрадуктаў праз Беларусь праз дзеянні рэжыму

У справу ўключыўся цэлы шэраг ведамстваў.

Прэзідэнт расейскай «Транснафты» Мікалай Токараў абвінаваціў беларускі рэжым у эканамічных праблемах прадуктаправода «Захад-Транснафтапрадукт», які пастаўляе дызпаліва ад расейскіх і беларускіх НПЗ транзітам праз Беларусь у Вугоршчыну і Латвію. Паводле ягоных слоў, становішча «дочкі» расейскай кампаніі пагоршанае рукатворна. Пасля аўдыту будзе разглядацца пытанне аб прыпыненні дзейнасці прадпрыемства, паведамляе «Коммерсантъ».

«На жаль, сітуацыя не мяняецца. У справу ўключыліся праваахоўнікі, пракуроры, падаткавікі, вельмі шмат ведамстваў, якія прыходзяць не дапамагчы, а наглядаць, правяраць і што-небудзь яшчэ рабіць. Таму мы, вядома, глядзець спакойна на гэта не будзем», - сказаў Токараў ў кулуарах Расейскага энергетычнага тыдня.

Ён адзначыў, што кампанія правядзе пільны эканамічны аўдыт, пастанова будзе прымацца зыходзячы з перспектывы. Зараз трубаправод «працуе ў мінус».

Раней журналісты высветлілі, што аператар нафтапрадуктаправода «Транснафты» на тэрыторыі Беларусі «Захад-Транснафтапрадукт» можа збанкрутаваць праз падвышэння падаткаў у рэспубліцы і адміністрацыйнага ціску на кампанію. У кампаніі асцерагаліся, што Менск можа ініцыяваць банкруцтва прадпрыемства, а затым яго нацыяналізацыю.

«Вось найбліжэйшым часам, праз два-тры тыдні, будзе падпісанне вялікага пакета ўзгодненых двухбаковых дакументаў, калі пасля гэтага сітуацыя не зменіцца, ну тады аж да прыпынення дзейнасці прадпрыемства давядзецца разглядаць пытанне. Пакуль не хацелі б», - сказаў спадар Токараў (цытата з ТАСС).

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».