Надзея Астапчук жорстка адказала на балбатню міністра спорту

Фактычна, усё здабытыя медалі ў нас не дзякуючы, а насуперак.

Свабодная спартоўка, беларуская штурхальніца ядра, бронзавая прызёрка Алімпійскіх гульняў 2008 года Надзея Астапчук моцна пракаментавала выказванне Сяргея Кавальчука ў адным з ягоных інтэрв'ю на дзяржаўнай ТВ:

- Гэта не парадокс, Сяргей Міхайлавіч, гэта вынік той недальнабачнай кадравай палітыкі, якая праводзіцца ў нашай краіне. Бо галоўнае не прафесіяналізм, а лаяльнасць, якая стаіць на першым месцы пры выбары кандыдатаў. Вы ставіце туды людзей, якія проста займаюць пасаду, баяцца нават зварухнецца і прыняць нейкую адказную пастанову, а то ж можна трапіць у няласку і страціць цёплае месца. Вось і ківаюць на нарадах галавой, ды «кантралююць» замест развіцця віду спорту. Таму якія ўмовы такім людзям не стварай, заўсёды будзе крах. І наадварот, у некаторых маленькіх школах кіраўнікі разумеюць, лепш менш прасіць, будзе больш свабоды і выбару ў прыняцці пастаноў. Няма ціску, няма непатрэбнага "ідэалагічнага шалупіння" і ёсць галоўнае - людзі і жаданне дамагчыся выніку.

Фактычна, усе заваяваныя медалі ў нас не дзякуючы, а насуперак. Уся сістэма наладжаная такім чынам. Падам на прыкладзе аўтамабіля, які ўвесь час абмяжоўваюць і пры гэтым патрабуюць перамагчы ў гонцы. Так не бывае, няма свабоды - няма развіцця. Няма развіцця - няма выніку, - падае яе словы Telegram-канал «Фонд спартыўнай салідарнасці/BSSF».