Меркаванне: За кожную абразу Пуціна Лукашэнку давядзецца адказаць асабіста, але ў іншай абстаноўцы

Усё разлічана, аграфюрэра перагуляюць.

Расея ставіць ультыматум Лукашэнку, каб у пачатку лістапада былі падпісаныя дарожныя карты аб інтэграцыі. "Апошні Інсайдэр" пацвярджае, што злітае апытанне УЦДГМ з'яўляецца не толькі праўдзівым, але яшчэ і ультыматыўным фактарам, у адпаведнасці з якім Лукашэнка абавязаны падпісаць карты ў тэрмін, інакш будзе рэалізаваны план Б, піша тэлеграм-канал CYNIC.

Лукашэнка натуральна падпісваць карты не хоча, таму ладзіць медыйны скандал і спускае з ланцуга "геройскую жонку", якая заяўляе, што Расею апанавалі "медыявырадкі", да якіх залічвае верных слуг расейскага рэжыму.

Асабліва дасталася Кандэлакі і Сунгоркіну. Выданне апошняга з'яўляецца адным з нямногіх, што траплялі ў кадр на працоўным стале Пуціна, таму Лука ведае, што б'е ў самае сэрца ўсходняга лідара. Ён ведае, што, абзываючы Сунгоркіна "медыявырадкам", зневажае чалавека, блізкага да прэзідэнта Расеі. Ён ведае, што Кандэлакі - давераная персона, таму, занураючы яе ў бруд, Лукашэнка правакуе медыйны канфлікт, але прамой рэакцыі вядучых медыя няма. Адказала Кандэлакі дастаткова мякка, але пара расчароўваць Луку - Расея на ідыятызм не адкажа.

Больш за тое, Крэмль будзе старанна запісваць усе здзекі бульбянога лася, таму за кожную фармулёўку яму давядзецца адказаць асабіста, але ў больш нефармальнай абстаноўцы.

Ёсць маленькая "памылка" ў плане Палаца.

Маскоўскі сябар піша: "Ёсць 2 мадэлі дзеяння ў залежнасці ад далейшых паводзін Лукашэнкі. Калі ён скарыстаецца прасторай для манеўру, будзе рэалізаваны план Б. Кандыдат, а таксама яго медыйны поспех будуць забяспечаны хутка і выразна"

У Крамля ёсць план Б. А ў ім ёсць дамоваздольны кампрамісны кандыдат, які адначасова задаволіць як Захад, так і Усход.

Усё разлічана... Аграфюрэра перамогуць.