ТСН: У Беларусі рабочыя абвясцілі агульнанацыянальны страйк

Беларусы выставілі так званай "уладзе" 10 абавязковых патрабаванняў.

Беларускае аб'яднанне рабочых абвясціла пра пачатак агульнанацыянальнага страйку ад 1 лістапада. Яны будуць страйкаваць да таго часу, пакуль так званая ўлада не выканае ўсе 10 патрабаванняў працоўных, паведамляе ўкраінскі тэлеканал ТСН.

Пра гэта заявіў старшыня Беларускага аб'яднання рабочых (БАР) Сяргей Дылеўскі.

Паводле ягоных слоў, у Беларусі зараз перадстрайкавы стан. Аднак ён пяройдзе ў агульнанацыянальны пратэст, калі не будуць выкананыя іх патрабаванні:

Спыненні рэпрэсій, вызвалення ўсіх палітычных вязняў і незаконна арыштаваных.

Прывядзенне заробкаў, стыпендый і пенсій у адпаведнасць з рэальнай эканамічнай сітуацыі ў краіне.

Пачатак прамых перамоў паміж уладай і дэмакратычнымі сіламі з абавязковым удзелам працоўных лідараў аб правядзенні новых прэзідэнцкіх і парламенцкіх выбараў для развязання палітычнага і эканамічнага крызісу.

Аднаўленне на працы звольненых работнікаў, выключаных студэнтаў і гарантыі бяспечнага вяртання ўсіх грамадзян, якія пакінулі краіну з-за рэпрэсій.

Рэалізацыя права на дзейнасць незалежных прафзвязаў, у тым ліку на стварэнне новых.

Рэалізацыя канстытуцыйнага права грамадзян на свабоднае перамяшчэнне.

Рэалізацыя права грамадзян на абарону ад COVID-19, у тым ліку шляхам вакцынацыі, міжнародна прызнанымі вакцынамі. Абарона правоў медыкаў.

Рэалізацыя канстытуцыйнага права на свабоду слова. Неадкладнае вызваленні ўсіх журналістаў і блогераў.

Нармалізацыя стасункаў з краінамі-суседзямі. Спыненне "гібрыднай" міграцыі.

"Давайце перастанем карміць рэжым, спынім хадзіць на працу! Застанёмся дома. Так мы абаронім нашу краіну, вернем у яе закон і справядлівасць. Толькі так мы абаронім сябе і сваіх блізкіх ад эпідэміі, якая абрынулася на наш дом", — заявіў Сяргей Дылеўскі.

Ён адзначыў, зараз рэжым у краіне слабы і бездапаможны, як ніколі. Санкцыі дабіваюць так званы рэжым самаабвешчанага прэзідэнта Лукашэнкі. Таму ён заклікаў працоўных падтрымаць агульнанацыянальны страйк.

"Галоўная надзея на вас. Толькі разам мы вернем уладу ў краіне народу! 1 лістапада не выходзім на працу! 1 лістапада пачнецца новая гісторыя нашай краіны! Разам і да перамогі!", — заявіў старшыня Беларускага аб'яднання працоўных.

Нагадаем, лідар Беларускага аб'яднання працоўных Сяргей Дылеўскі заявіў аб пачатку страйку 1 лістапада.