«Выканкам у загадным парадку патрабуе ад усіх ехаць валанцёрамі да мігрантаў!»
62- 24.11.2021, 13:23
- 111,396
Крык душы бюджэтніцы з Мастоў.
Падпісчыца тэлеграм-канала БАР з Гарадзенскай вобласці падзялілася інфармацыяй:
«Працую ў Мастах. Цяпер выканкам у загадным парадку патрабуе ад усіх сфер «ахвочых» ехаць валанцёрамі да мігрантаў!
Не стае слоў!
Дзед звёз іх у нашу краіну, пачаў міграцыйны крызіс, у іх там карона незразумела якога штаму, адбірае ў іх у казну грошы праз абменнікі, ежу, адзенне. А цяпер і простыя людзі павінны ў гэтым цырку ўдзельнічаць!
А па ТБ скажуць, што беларусы - «добры і шчодры народ, які адразу рынуўся на дапамогу мігрантам».
Ніхто і не пагаджаецца ў гэтым удзельнічаць. Многія ўжо крычаць, што нават на падставе звальнення нікуды не паедуць. Але знайшлася «добрая душа», якая на ўсё гэта пагадзілася».
Тэлеграм-канал дадае: вас ніхто не можа прымусіць рабіць тое, чаго вы не хочаце. Змагайцеся за свае правы, не паддавайцеся на ўгаворы і пустыя пагрозы!
Бастуй, Беларусь!