Бунт мігрантаў у Венджыне: з'явіліся шакуючыя кадры

Нелегалы, якія прыбылі з тэрыторыі Беларусі, учынілі беспарадкі.

Агрэсіўныя нелегалы спрабавалі разбурыць агароджу і іншыя элементы абароны аб'екта; падпальвалі розныя прадметы, кідалі крэслы, знішчалі камеры відэаназірання, паведамляе tvp.info. Запатрабавалася ўмяшанне некалькіх сотняў паліцыянтаў і памежнікаў Польшчы. Мяцеж быў ліквідаваны, нікому з мігрантаў не ўдалося збегчы з комплексу. Польская паліцыя апублікавала відэа і фота беспарадкаў.

Амаль 100 мігрантаў у чацвер увечары ўчыніла бойку ў ахоўным цэнтры для замежнікаў у Венджыне. Найбольш агрэсіўныя замежнікі сабраліся перад будынкам. Яны пачалі скандаваць лозунгі, патрабавалі выпусціць іх, расхіствалі агароджу. Была выбітая шыба ў цэнтры.

Іншаземцы былі шумныя і не звярталі ўвагі на просьбы супакоіцца. На месца накіравалі дадатковыя сілы памежнікаў і супрацоўнікаў паліцыі Польшчы. Выклікалі таксама пажарных, бо некаторыя мігранты пачалі распальваць агонь.

Дзякуючы аператыўным дзеянням службаў не дайшло да пранікнення за тэрыторыю комплексу. Ніводнаму з мігрантаў не ўдалося збегчы; ніхто сур'ёзна не пацярпеў.

«Gazeta Lubuska» заявіла, што «ў цэнтры прадаўжалася падрыхтоўка для адпраўкі ў Ірак групы некалькіх дзясяткаў мужчын, якія не выканалі ўмовы, неабходныя для атрымання права на жыхарства. Імаверна, гэта магло быць прычынай пачатку бунту часткі мігрантаў».

Польская паліцыя паведамляе, што супрацоўнікі праваахоўных органаў усё яшчэ размешчаныя на палігоне ў Венджыне, каб мець поўны кантроль над паводзінамі людзей, якія там пражываюць. Паліцыянты таксама паказалі запіс начных дзеянняў і прадметы, якія мелі з сабой агрэсіўныя мігранты.

У ахоўным цэнтры для замежнікаў, створаным на тэрыторыі вайсковага палігона ў Венджыне пражываюць 604 замежнікі. Найбольшыя групы складаюць грамадзяне Ірака (359) і Афганістана (69).

Ён мае часовы характар і быў створаны пасля таго, як набрала моц хваля нелегальнай міграцыі на мяжы з Беларуссю. У Венджын трапляюць толькі мужчыны на пастанову суда.

На патрэбы іншаземцаў пераабсталявалі вайсковыя будынкі, якія належаць Цэнтру Падрыхтоўкі Палігонных у Венджыне. Мігранты выкарыстоўваюць жылыя памяшканні, у якіх раней былі заселеныя жаўнеры Войска Польскага і краін NATO, якія бяруць удзел у навучальных праграмах, што рэалізуюцца на тэрыторыі гэтага палігона.

Супрацоўнікі памежнай службы забяспечваюць ім доступ да лекараў і спецыялістаў, калі ўзнікае такая неабходнасць. Паслугі за выкананыя абследаванні ці наведванні, напрыклад, у стаматолага аплачваюцца з дзяржаўнага бюджэту Польшчы.

Асобы, якія знаходзяцца ў цэнтры, маюць поўнае, разнастайнае харчаванне і напоі, у кожным будынку размешчаны дыстрыбутары з пітной вадой. Кожны дзень агульныя часткі будынкаў, у якіх жывуць замежнікі, прыбірае спецыяльна нанятая кампанія. Яны маюць доступ да мабільных тэлефонаў і кампутараў з доступам у інтэрнэт.

Улічваючы ахоўны характар комплексу ў адпаведнасці з дзейным заканадаўствам у вокнах будынка былі ўсталяваныя краты. Іншаземцы маюць таксама спецыялізаваныя шырокія плошчы, дзе могуць праводзіць час актыўна на свежым паветры.