Палітвязень збег з «хіміі» і з'ехаў з Беларусі

Аршанец быў асуджаны на 2,6 гады за каментар у сацсетцы.

Палітвязень Аляксей Коршун уцёк з «хіміі» і з'ехаў з Беларусі, паведамляюць праваабаронцы.

Аршанец быў асуджаны на 2,6 гады пазбаўлення волі за каментар у сацыяльнай сетцы «Вконтакте». Яму выставілі абвінавачанне на падставе арт.130 КК («распальванне варожасці») - Коршун негатыўна адазваўся аб супрацоўніках МУС Беларусі. У жніўні Аляксей быў прызнаны палітвязнем, а ў верасні патрапіў у спіс амніставаных, і яму замянілі калонію на абмежаванне волі («хімію»).

Свой тэрмін хлопец адбываў у папраўчай установе адкрытага тыпу №3 у Бярозе.

У панядзелак стала вядома, што Аляксей Коршун пакінуў Беларусь. На гэты момант ён ужо ў Польшчы.