Анжаліцы Борыс патрэбная медыцынская дапамога ў турме

У кіраўніцы Саюза палякаў у Беларусі пагаршаецца здароўе.

У старшыні Саюза палякаў у Беларусі Анжалікі Борыс у Жодзінскім СІЗА пагаршаецца стан здароўя, паведамляе a target="_blank" href=https://belsat.eu/ru/news/29-11-2021-anzhelike-boris-nuzhna-meditsinskaya-pomoshh-v-tyurme-u-nee-uhudshaetsya-zdorove/>«Белсат».a target="_blank" href=https://belsat.eu/ru/news/29-11-2021-anzhelike-boris-nuzhna-meditsinskaya-pomoshh-v-tyurme-u-nee-uhudshaetsya-zdorove/>«Белсат»..

Саюз палякаў у Беларусі паведамляе, што зараз Анжаліка Борыс выглядае вельмі нездарова і мае патрэбу ў тэрміновым аглядзе лекара з выкарыстаннем ультрагукавога абсталявання. Таксама ёй трэба правесці шэраг іншых даследаванняў.

Вядома, што Борыс пакутуе на цяжкае захворванне страўніка-кішэчнага тракту і печані.

«З апісанняў знешняга выгляду Анжалікі Борыс відаць, што яна выглядае вельмі змучанай, у яе зямліста-жоўты колер скуры, што можа паказваць на захворванне печані. Таксама ў яе інтэнсіўна выпадаюць валасы», - паведамляюць у Саюзе палякаў у Беларусі.

Інэса Тодрык-Пісальнік, блізкая знаёмая Анжалікі, якую таксама затрымлівалі ў красавіку, успамінае, што яшчэ да арышту ў Борыс былі частыя галаўныя болі і болі ў жываце, а ў стрэсавых сітуацыях у яе выпадалі валасы.

Без медыцынскіх абследаванняў нельга сказаць, ці з'яўляецца яе слабое здароўе следствам абвастрэння ўжо наяўных захворванняў ці гэта сімптомы новай хваробы.

Праз санітарныя ўмовы у камерах аслаблены арганізм Анжалікі Борыс мог падхапіць новую хваробу.

Найбліжэйшыя паплечнікі Анжалікі Борыс, якіх непакоіць пагаршэнне здароўя калегі, просяць людзей са сферы палітыкі і бізнэсу, якія маюць магчымасць звязацца з асобамі, якія прымаюць рашэнні ў органах улады Рэспублікі Беларусь, выкарыстоўваць свае кантакты і неадкладна прыняць захады, каб аказаць Анжаліцы Борыс неабходную прафесійную медыцынскую дапамогу.

Старшыню Саюзу палякаў на Беларусі Анжаліку Борыс і сябра арганізацыі Анджэя Пачобута затрымалі ў межах «справы палякаў» у Дзень Волі – 25 сакавіка. Іх абвінавацілі ў «распальванні варожасці» (арт.130 КК РБ) за публікацыі і папулярызацыю ведаў аб польскім антыкамуністычным падполлі на Гарадзеншчыне.

На мінулым тыдні, 25 лістапада, ім працягнулі тэрмін утрымання пад вартай яшчэ на тры месяцы, да 25 лютага 2022 года. Абаім пагражае да 12 гадоў турмы. Беларускія праваабаронцы прызналі іх палітвязнямі.