25 студзеня 2022, aўторак, 19:44
Сім сім, Хартыя 97!
Рубрыкі

Бастуй, беларус: што адбываецца на прадпрыемствах

14
Бастуй, беларус: што адбываецца на прадпрыемствах

Інфармацыі пра масавыя «чысткі» на прадпрыемствах усё больш.

Чытачы тэлеграм-канала «Беларусь галаўнога мозгу» распавядаюць пра беззаконне, якое адбываецца:

«Полацкія электрасеткі. Сёння траіх звольнілі, а астатнім сказалі прыгатавацца. У спісах усяго блізу сто чалавек».

«У Крычаве на «Цэмзаводзе» працягваюцца чысткі кадраў. Мужа забралі з раніцы проста з працы, адабралі тэлефон, а яго закрылі на содні».

«У Менскім абласным інстытуце развіцця адукацыі прыйшлі спісы тых, хто ставіў подпіс мінулай па-замінулай вясной за кандыдатаў. Выклікалі да рэктара і сказалі ўсім пісаць на ўласнае жаданне. Спіс вялікі, не менш за 40 чалавек».

«У «Гомельаблцепласетцы» мяне звольнілі за 1 дзень. Працавала па дамове на час дэкрэтнага адпачынку. Адклікалі жанчыну з дэкрэта на 1 дзень, мяне звольнілі, а яна зноў пайшла ў дэкрэт. Пры звальненні паводзілі сябе па-хамску, з пазіцыі сілы і ўлады размаўлялі».

«У «Белніпіэнэргапраме» на мінулым тыдні прыйшлі два спісы: першы — чатыры чалавекі на абавязковае звальненне да 2022 года, другі — спіс з 80 чалавек, з якімі правялі «прафілактычныя» гутаркі. Спісы прыйшлі таксама ў «Белэнэргасеткапраект». Дакладна ведаю, што некалькіх чалавек звальняюць».

«Масавыя звальненні ў акадэміі мастацтваў, а гэта, нагадаю, калісьці творчая ВНУ з унікальнымі спецыялістамі, на некаторых кафедрах працуе даслоўна некалькі чалавек, на некаторых спецыяльнасцях таксама навучаецца па 5 чалавек, і тыя, улічваючы абстаноўку, забіраюць дакументы».

«У ГУПР Менгарвыканкама звальненні паводле спісаў «падпісаных за Бабарыку». В.а. дырэктара Юры Натычка выклікае па адным і цісне, каб супрацоўнік падпісаў на ўласнае жаданне. Тым, хто адмаўляецца, абяцае скласці рапарт аб непадпарадкаванні міліцыі і адправіць на 15 содняў».

«Звальняюць у Берасці ва ўстановах адукацыі (садкі, школы) тых, хто праходзіў паводле адміністрацыйнага артыкула 23.34».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».