У палітзняволенай Валерыі Касцюговай памёр бацька, яго няма каму пахаваць

Дачка ў турме, унучка ў эміграцыі, цесць памірае ад раку.

У сям'і палітолага і палітзняволенай Валерыі Касцюговай трагедыя. Яе дачка расказала пра страшную сітуацыю, якую цяпер перажывае сям'я.

«Сёння памёр мой дзядуля, і ў яго фактычна няма сваякоў, якія могуць яго пахаваць. Маці ў турме, я ў эміграцыі, бабуля памерла, ягоны сын, мой дзядзька, таксама памёр даўно. Мой бацька памірае ад раку, і ў мяне амаль няма сваякоў, з якімі я магу пагаварыць», - напісала Анастасія Касцюгова.

Нагадаем, Валерыю Касцюгову затрымалі ў ліпені. Яе абвінавачваюць у закліках да захопу ўлады і змове з мэтай захопу ўлады - артыкулы 361 і 357 Крымінальнага кодэкса.

Валерыя Касцюгова - палітычная аглядальніца і кансультантка. Рэдактарка сайта экспэртнай супольнасці «Наше мнение» (2010-2016), рэдактарка і складальніца выдання «Белорусский ежегодник», кіраўніца экспэртнай групы маніторынгу «Беларусь у фокусе» (2013-2016).