Смаленск, Данбас, Сінай: па слядах пуцінскага авіятэрарызму

Усё бліжэй момант ісціны.

Смаленская авіякатастрофа польскага ўрадавага самалёта Ту-154М, самая буйная ў колькасці ахвяр, у якіх гінулі першыя асобы дзяржавы, зноў апынулася ў цэнтры ўвагі. Хоць, прайшло ўжо амаль 11 гадоў, дагэтуль няма дакладнага адказу аб прычынах катастрофы лайнера, які забраў жыццё прэзідэнта Леха Качыньскага, ягонай жонкі Марыі, а таксама практычна ўсяго складу вышэйшага вайсковага камандавання Польшчы, піша тэлеграм-канал «Сіта Сакрата».

25 лютага ў польскім Сейме прагучала заява старшыні Смаленскай падкамісіі ў пераглядзе расследавання катастрофы, былога міністра абароны Польшчы і дзейнага дэпутата Антонія Мацярэвіча пра тое, што ўрадавы борт загінуў у выніку дэтанацыі выбуховага прыстасавання.

Мацярэвіч указаў: «Галоўны тэзіс, дакладней, праўда, - самалёт быў знішчаны выбухам». Да гэтага прывяла выбухоўка, выяўленая на элементах разбітага Ту-154М. Хто ўсталяваў выбуховае прыстасаванне, павінна ўстанавіць пракуратура падчас далейшых следчых дзеянняў. Факт выяўлення выбухоўкі пацверджаны польскімі і замежнымі лабараторыямі. Дадатковым аргументам на карысць выбуху выступае нежаданне расейскага боку вярнуць абломкі лайнера. Такая пазіцыя падсілкоўвае падазрэнні аб нячыстым сумленні расейцаў, пра што падкрэслівалася на ўзроўні МЗС Польшчы.

З раней агучаных матэрыялаў расследавання смаленскай катастрофы вядома аб наяўнасці гукаў двух выбухаў на запісе маўленчага самапісца самалёта. Экспэрт упэўнены ў разбурэнні канструкцыі самалёта яшчэ ў паветры, прыблізна на вышыні 900 метраў. 25 красавіка 2018 года была апублікаваная тэхнічная справаздача камісіі паўторнага расследавання прычын авіякатастрофы. У ёй прычынай трагедыі пазначаны выбух у крыле самалёта да яго сутыкнення з паверхняй зямлі. Паводле звестак дадатковых экспэртыз, з удзелам брытанскага боку, было ўстаноўлена: гібель пасажыраў і экіпажа адбылася ад выбуху, а не ад удару аб зямлю. У выніку расейская версія пра прычыну падзення борта 101 праз зніжэнне ніжэй за дазволены мінімум пры пасадцы ў густым тумане, была аспрэчаная. Больш за тое ўжо ўстаноўлена, што выбухоўка была закладзеная падчас рамонту двух урадавых самалётаў у Расеі ў 2009 годзе. Пры гэтым сляды трацілу, пентрыту і гексагену выяўленыя ўнутры частак захаванага борта 102, да якіх доступ мелі толькі расейскія тэхнікі.

Усё бліжэй момант ісціны, якая палягае ў факце наўмыснага тэрарыстычнага акту з боку расейскіх спецслужбаў супраць вышэйшага кіраўніцтва краіны-чальца NATO, што прывяло да шматлікіх людскіх смерцяў. Расея чарговым разам з-за пуцінскага ўрада паўстае краінай-тэрарысткай, і павінна панесці за гэта пакаранне не толькі ў выглядзе кампенсацый, але і міжнародную крымінальную адказнасць, як дадатак за арганізацыю іншай трагедыі з рэйсам МН17 над Данбасам. Калі на загад Пуціна ракетай ЗРК «Бук» быў збіты малайзійскі грамадзянскі лайнер і загінулі 298 чалавек.

Таксама выбух польскага прэзідэнцкага самалёта прымушае звярнуцца да пераасэнсавання яшчэ адной трагедыі - катастрофы самалёта А321 «Кагалымавія» над Сінайскай паўвыспай у кастрычніку 2015 года. Тады, з санкцыі Пуціна, 212 жыццяў грамадзян толькі РФ былі прынесеныя ў ахвяру дзеля рэалізацыі плана ГРУ для расейскага ўварвання ў Сірыю ў імя выратавання рэжыму Асада. Спецыяліст з ГРУ ў Шарм-эш-Шэйху круціў раман з адпачывалай там расейкай, і ў якасці падарунка ўручыў ёй пакет з бомбай з выбухоўкай ЭХВ-7. Яна здэтанавала праз 23 хвіліны пасля ўзлёту. Вінаватымі зрабілі ісламскіх тэрарыстаў. У выніку Крэмль атрымаў карт-бланш на бамбаванні сірыйскай апазіцыі пад выглядам акцый адплаты супраць ІДІЛ, ператварыўшы краіну ў ваенны палігон. Няма ніякай упэўненасці ў тым, што пуцінскія спецслужбы спыняцца на ўжо ўчыненых авіятэрактах, бо беспакаранасць спараджае ўсё новыя і новыя беззаконні і нявінныя ахвяры.