У Крыме цалкам абязводжаныя два вадасховішчы
11- 28.02.2021, 14:35
- 5,372
Яшчэ адно – на мяжы высыхання.
Акупацыйныя ўлады Крыма абнавілі звесткі напаўняльнасці вадасховішчаў паўвострава. Так, два вадасховішчы цалкам абязводжаныя, яшчэ адно – на мяжы высыхання.
Пра гэта паведамляе "Крым. Рэаліі".
Так званае "Міністэрства ЖКГ Крыму" заявіла, што на стан 26 лютага перасохлі Сімферопальскае і Загорскае вадасховішчы. Нягледзячы на моцныя снегапады, за апошні месяц вады ў іх так і не дадалося. Пры гэтым да "мёртвага аб'ёму" набліжаецца таксама і Баланоўскае вадасховішча.
На пачатак лютага акупацыйныя ўлады паведамлялі, што самымі блізкімі да "мёртвага аб'ёму" былі Баланоўскае, Тайганскае і Партызанскае вадасховішчы.
Адзначаецца, што на мінулым тыдні Ялта і Алушта праз дэфіцыт вады перайшлі на графік падачы вады.