У Беларусі праходзяць апошнія зімовыя пратэсты
- 28.02.2021, 17:45
- 1,768
Мірныя акцыі ў Беларусі доўжацца ўжо 205 дзён.
У нядзелю, 28 лютага, у Менску і іншых гарадах Беларусі прайшлі пратэставыя акцыі. А з 1 сакавіка ў краіне пачне дзейнічаць новае заканадаўства, якое робіць больш жорсткай адказнасць за пратэсты, піша thinktanks.by.
Акцыі 28 лютага былі даволі нешматлікімі, але актыўнымі. Пачаліся яны з раніцы. У менскіх мікрараёнах Сухарава, Грушаўка, Зялёны Луг, каля вуліцы Розы Люксембург, людзі выходзілі на шэсці са сцягамі і лозунгамі.
У раёне МТЗ на мосце была арганізаваная акцыя са сцягамі. Вялікі сцяг таксама з'явіўся на адной са шматпавярховак сталіцы.
У Бараўлянах было зладжанае пікетаванне.
Акцыі пратэсту таксама прайшлі ў Гародні, Жодзіне, Дзяржынску, Пружанах і іншых гарадах.
Шматлікія акцыі падтрымкі былі арганізаваныя за межамі Беларусі.
Мірныя пратэсты ў Беларусі доўжацца ўжо 205 дзён.