Украінскі боршч трапіў у дваццатку найлепшых супоў свету паводле версіі CNN
68- 28.02.2021, 17:55
- 7,366
Украінскія кухары дамагаюцца ўнясення стравы ў спіс нематэрыяльнай спадчыны ЮНЕСКА.
Украінскі боршч трапіў у спіс 20 найлепшых супоў у свеце паводле версіі амерыканскага выдання CNN.
Пра гэта гаворыцца на сайце CNN, адзначае «Новы час».
«Кавалачкі пяшчотных буракоў плаваюць у бліскучым чырвоным булёне для супу, які любяць ва Украіне і ва ўсёй Усходняй Еўропе. Боршч, часта запраўлены лыжкай смятаны, – гэта далёка не проста бурачны суп», – апісвае страву CNN.
Выданне дадало, што ўкраінскія кухары арганізавалі кампанію, мэтай якой з'яўляецца ўнясенне баршчу ў спіс нематэрыяльнай спадчыны ЮНЕСКА.
Акрамя ўкраінскай стравы, у дваццатку найлепшых супоў свету патрапілі сярод іншых грузінскі харчо, французскі буябес, іспанскі гаспача, тайскі тым ям.