Фонд сябра Пуціна атрымаў больш за $2,2 мільёны на абслугоўванне алімпійскіх аб'ектаў у Сочы

Штогод фонд Сяргея Ралдугіна атрымлівае з дзяржаўнага бюджэту РФ субсідыі на мільярды рублёў.

Фонд «Талент і поспех», адным з заснавальнікаў якога з'яўляецца адзін кіраўніка РФ Пуціна віяланчэліст Сяргей Ралдугін, атрымаў 172,4 млн расейскіх рублёў на абслугоўванне аб'ектаў Алімпійскага парка ў Сочы ў 2021 годзе. Адпаведная дамова «МБХ медыя» выявіла на партале дзяржзакупак.

Паводле дакументаў, фонд будзе выконваць работы ўтрымання аб'ектаў на агульнай плошчы больш за 224 кв. м. Між іншым, падрадчык будзе адказваць за паліў і стрыжку газона, працы па догляду за дрэвамі, кветнікамі і жывой загараддзю, уборку смецця, утрыманне сетак электразабеспячэння, а таксама абслугоўванне сістэм чары алімпійскага агню.

Заказчыкам выступіў дэпартамент гарадской гаспадаркі адміністрацыі Сочы. У дакументах адзначаецца, што працы праводзяцца ў рамках рэалізацыі праграмы Краснадарскага краю «Развіццё санаторна-курортнага і турыстычнага комплексу» для «стварэння ўмоў для масавага адпачынку» ў Алімпійскім парку. Дамова разлічаная да канца 2021 года.

Фонд «Талент і поспех» быў створаны ў снежні 2014 года, пад яго кіраваннем знаходзяцца некалькі спартыўных аб'ектаў, пабудаваных да Алімпіяды. Адным з заснавальнікаў фонду з'яўляецца віяланчэліст, сябар Уладзіміра Пуціна, Сяргей Ралдугін. Сам жа Пуцін з'яўляецца кіраўніком апякунскай рады фонду. У 2016 годзе Міжнародны кансорцыум журналістаў пасля ўцечкі «Панамскага архіва» высветліў, што да 2015 года Ралдугін меў афшорныя кампаніямі з абаротам у некалькі мільярдаў даляраў.

Штогод «Талент і поспех» атрымлівае з дзяржаўнага бюджэту субсідыі на мільярды рублёў.