Чэхія другой сярод краін ЕЗ папрасіла вакцыну ў Кітая
5- 4.03.2021, 11:46
- 1,974
У краіне крытычная сітуацыя з COVID-19.
Чэшская Рэспубліка стала другой краінай ЕЗ пасля Вугоршчыны, якая прасіла вакцыну ад каранавіруса ў Кітая.
Як паведамляе "Еўрапейская праўда", пра гэта гаворыцца ў заяве на сайце прэзідэнта Чэхіі.
"Прэм'ер-міністр Чэшскай Рэспублікі папрасіў прэзідэнта рэспублікі звязацца з прэзідэнтам Кітайскай Народнай Рэспублікі з просьбай аб пастаўцы кітайскай вакцыны Sinopharm", - гаворыцца ў заяве.
"Прэзідэнт рэспублікі задаволіў гэтую просьбу і напісаў прэзідэнту Кітайскай Народнай Рэспублікі. Паводле паведамлення пасольства Чэхіі ў Пекіне, кітайская старана пастанавіла неадкладна задаволіць гэтую просьбу", - гаворыцца ў паведамленні.
У заяве не паказваецца, колькі доз вакцын Чэхія атрымае ад Кітая, і калі чакаецца іх прыбыццё.
Гэты крок быў наступным за пастановай Прагі купіць вакцыну "Спадарожнік V" у Расеі, бо Бабіш рэзка крытыкаваў павольную выдачу вакцын ЕЗ краінам-сябрам.
Звесткі Міністэрства аховы здароўя Чэхіі паказваюць, што на 2 сакавіка было выкарыстана 702 тысячы доз вакцыны. Першымі дозамі былі вакцынаваныя 455 тысяч чалавек, другімі - 246 тысяч.
Пераважная большасць вакцынаваных доз паступае ад кампаніі Pfizer/BioNTech (626 920), за ёй ідуць Moderna (39 442) і AstraZeneca (35 661).
Нагадаем, у Чэхіі на 1 сакавіка ў шпіталях у цяжкім стане знаходзіліся 1 568 хворых на каранавірус, што стала новым максімумам за ўвесь час эпідэміі.